1 Samuel 2:5 - MUMA MALER 2015

⁵ Joma ne yieng’ koro tiyo ni jomoko mondo oyud chiemo, to joma ne denyo koro yieng’. Dhako ma migumba onywolo nyithindo abiriyo, to en ma nyithinde ng’eny odong’ nono.

Motingʼo Loko Manyien

⁵ Jogo mane nigo koro tiyo mondo oyud chiemo, to jogo mane denyo koro kegi orumo. Mano mane migumba osenywolo nyithindo abiriyo to mano mane nigi yawuowi to koro odongʼ nono.

1 Samuel 2:5 ပူးပေါင်းရင်းမြစ်များ

Zaburi 113:9

Oguedho dhako ma onge nyathi, mi oloke dhako mamor ma min nyithindo. Ruoth Nyasaye mondo opaki!

Zaburi 34:10

Kata mana sibuoche bende chando gik ma gicham, mi kech hew, to joma oluoro Ruoth Nyasaye ok chand gimoro amora maber.

Isaya 33:9

Piny ywak, kendo dok chien. Lebanon two, kendo kethore. Sharon bende olokore thim, kendo Bashan gi Karmel oyaki modong’ nono.

Isaya 54:1

Ruoth Nyasaye owacho niya, “Wer matek, in Jerusalem machalo gi dhako ma migumba mane ok onywol. Adier, kog gi mor, in michalo dhako ma pok muochh okayo, nikech dhako ma chwore oweyo nobed gi nyithindo mang’eny, moloyo dhako man gi dichwo.

Jeremia 15:9

Dhako man gi yawuowi abiriyo opodho piny ka muche orumo, nikech yawuotego duto osenegi. Piny othone mudho ka wiye okuot, kendo chunye chandore. Abiro miyo wasigu neg jou ma pod odong’ ka ngima. An Ruoth Nyasaye ema awacho kamano.”

Luka 1:53

Oseyieng’o joma odenyo gi gik mabeyo, to joma omew oseriembo gi lwetgi nono.

Luka 16:25

To Ibrahim nodwoke ni, ‘Wuoda, par ni kane pod ingima ne iyudo gik moko mabeyo, to Lazaro ne yudo gik maricho. To koro sani oneno maber kaeri, ka into inie rem malit.

Jo-Galatia 4:27

mana kaka Muma wacho niya, “In dhako ma migumba mane ok onywol, bed mamor! Ting’ dwondi ikog gi mor, in mane muoch ok okayi, nikech dhako ma chwore oweyo nobed gi nyithindo mang’eny, moloyo dhako modak gi chwore.”

Ruth 4:15

Nobedni ng’ama duogo chunyi, kendo ka ng’ama riti e tiyoni, nikech chi wuodi moherino, kendo moloyoni yawuowi abiriyo, ema osenywolo nyathini.”

1 Samuel 1:20

Nomako ich, kendo kane ndalo ogik, nonywolo wuowi, mi owacho niya, “Achake ni Samuel, nikech ne akwaye Ruoth Nyasaye.”

1 Samuel 1:6

Nyiek Hana ne chando chuny Hana malit, konyiere nikech Ruoth Nyasaye ok omiye nyathi.