1 Samuel 2:35 - MUMA MALER 2015

³⁵ Mi anaket jadolona awuon, ng’at ma jaadiera, ma notim duto manie chunya gi parona. Anagur dhoode mondo nyikwaye oti nyaka chieng’ ni Ruoth mayiero mowir.

Motingʼo Loko Manyien

³⁵ To abiro chungo Jadolona awuon ma en ngʼat ma ja-adiera, manotim gik moko duto man e chunya kod pacha. Abiro guro ode matek, kendo obiro tiyo ndalo duto e nyim ngʼata ma awiro.

1 Samuel 2:35 ပူးပေါင်းရင်းမြစ်များ

2 Samuel 7:11

chakre ndalo mane aketoe jobura mondo oritgi, to anamiyi kue e kindi gi wasiki duto. To bende awacho ni anaguedh dhoodi mondo osiki.

2 Samuel 7:27

nimar in, Ruoth Nyasaye Manyalo Gik Moko Duto en Nyasach Israel, ema isenyisa wach ni ibiro dongo oda. Kuom mano asebedo gi chir mondo alem kama e nyimi.

1 Ruodhi 1:45

kendo Zadok jadolo gi Nathan janabi, josewire gi mo but soko Gihon, mondo obed ruoth. Koro gisea kuro gi ilo; emomiyo dala otimo mahu kendo mano e koko musewinjo.

1 Ruodhi 1:8

To Zadok jadolo, gi Nathan janabi, gi Shimei, gi Rei, kod thuondi mag Daudi ne ok odokne.

1 Ruodhi 11:38

Kiwinjo wechena duto, kendo kiwuotho e yorena, mi itimo gima long’ona, kirito chikena kod buchena kaka Daudi jatichna notimo, eka nabed kodi, kendo nagur dhoodi mosiko, kaka naguro dhood Daudi; kendo anamiyi piny Israel.

1 Ruodhi 2:35

Ruoth noketo Benaya wuod Jehoyada jatend jolweny kar Joab, to Zadok jadolo noketo kar Abiathar.

1 Weche mag Ndalo 29:22

Chieng’no ne gichiemo kendo gimetho e nyim Ruoth Nyasaye gi mor maduong’. Bang’e ne gichako giketo Solomon wuod Daudi e kom ruoth, kendo ne giwire gi mo mondo obed jatendgi ma Ruoth Nyasaye oyiero. To Zadok bende ne owir mondo obed jadolo.

Zaburi 18:50

Nyasaye kelo resruok maduong’ ni ruoth moketo. Ee, ohero ng’at moyiero gi hera mosiko, ma en Daudi gi kothe nyaka chieng’.

Zaburi 2:2

Ruodhi mag piny gi jotelo hodho wach mondo opiem gi Ruoth Nyasaye kod ruoth moyiero.

Wuok 1:21

Nyasaye nomiyo jocholo obedo gi nyithindo kod nyikwayo nikech ne giluore.

Ezekiel 34:23

Anamigi jakwath achiel, ma en jatichna Daudi, kendo enoritgi maber.

Kwan 25:13

Asingorane, en kaachiel gi nyikwaye ni ginibed jodolo nyaka chieng’ nikech osebedo gi mirima ma nyiso ni ohero Nyasache, mi opwodho jo-Israel kuom richogi.”

Jo-Hibrania 2:17

Mano emomiyo nyaka ne obed machalo gi owetene e yore duto, mondo odog jadolo maduong’ mang’won kendo maradier, matiyo e nyim Nyasaye, katimo misango migologo richo mag jo-Nyasaye.

1 Samuel 10:10

Kane gichopo Gibea, oganda jonabi noromo kode, kendo much Nyasaye nobiro kuome gi teko, mi en bende nodhumore kodgi.

1 Samuel 10:9

Kane Saulo pod loko ng’eye a ir Samuel, Nyasaye nomiye chuny manyien, kendo ranyisigo duto notimore chieng’no.

1 Samuel 12:3

Era e. Koro donjnauru e nyim Ruoth Nyasaye, kendo e nyim ruoth moseyiero mowir. Rwadh ng’a, kata kanj ng’a masekawo? Ere ng’a ma asemayo gire? Koso ere ng’ama asethiro? Kata en ng’a ma asekawo asoya kuome, madinogo wang’a? Ng’eng’auru, mondo adwoknugo.”

1 Samuel 16:13

Omiyo Samuel nokawo mo, mowirogo Daudi e nyim owetene, mi Roho mar Nyasaye nobiro kuom Daudi gi teko, mobedo kode chakre chieng’no. Bang’e Samuel nowuok, modok Rama.

1 Samuel 2:36

Jo-dhoodi duto ma nodong’ ka ngima nobi ire, kakwaye fedha matin, kata kuon matin. Giniwach niya, “Asayi, keta e tich kama jadolo moro tiyoe, mondo ayudie gima dacham.” ’ ”

1 Samuel 25:28

Asayi, wena kethona, nimar adier Ruoth Nyasaye nomi dhoodi bedo mosiko, nikech ikedo gi wasike. Onge masira ma biro nwang’i e ndaloni duto.

1 Samuel 3:1

Nyathi ma Samuel ne tiyo ni Ruoth Nyasaye e nyim Eli. To weche mane wuok kuom Ruoth Nyasaye ne nok ndalogo, kendo ne ok fwenyre pile.

1 Samuel 7:9

Omiyo Samuel nokawo nyarombo madhoth, mochiwo ni Ruoth Nyasaye ka misango miwang’o pep. Eka nokwayo Ruoth Nyasaye mondo ores jo-Israel, mi Ruoth Nyasaye nowinjo kwayone, modwoke.

1 Samuel 8:3

Yawuotego ne ok oluwo timbene, to ne giketho bura, ka gibaro kuom dwaro mwandu malang’, kendo kuom chamo asoya.

1 Samuel 9:12

Nyigo nodwokogi ni, “Ee, en nyimu kanyo. Returu, koroni eka odonjo dala, nikech jodalano timo misango kawuono e hembko man kama oting’ore.

1 Samuel 9:13

Ka usedonjo e dala to ubiro yude, kapok oidho odhi e hembko. Ji ok nyal chiemo kapok obiro, nimar en ema oguedho gir misango, eka bang’e joma oluong chiemo. Ero, idhuru, ubiro yude piyo.”