1 Samuel 2:30 - MUMA MALER 2015

³⁰ Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.

Motingʼo Loko Manyien

³⁰ “Kuom mano Jehova Nyasaye ma Nyasach jo-Israel wacho ni, ‘Ne asingora ni odi kod od wuonu nobed jotichna nyaka chiengʼ.’ To koro Jehova Nyasaye wacho ni, ‘Ma ok anatim! Joma miya duongʼ ema abiro miyo duongʼ, to joma ochaya ok nobed gimoro.

1 Samuel 2:30 ပူးပေါင်းရင်းမြစ်များ

1 Ruodhi 11:11

Emomiyo Ruoth Nyasaye nowacho ni Solomon niya, “Ok iserito singruokna gi buchena kaka nachiki, omiyo abiro golo loch kuomi, mi ami achiel kuom jotichni.

1 Ruodhi 2:27

Omiyo Solomon nogolo Abiathar ni kik obed jadolo mar Ruoth Nyasaye. Kamano wach mane Ruoth Nyasaye owacho Shilo kuom od Eli nochopo kare.

1 Weche mag Ndalo 17:18

A Ruoth Nyasaye, in ema ing’eya oko gi iye. Ang’o ma damed wachoni kuom duong’ ma isemiya?

2 Weche mag Ndalo 15:2

modhi romo gi Asa. Nowacho ni Asa gi jo-Juda kod jo-Benjamin niya, “Ruoth Nyasaye ni kodu, to mana ka pod un kode. Kudware, unuyude; to kuweye en bende noweu.

2 Weche mag Ndalo 26:18

ka giwachone niya, “Wang’o ubani ni Ruoth Nyasaye ok en tiji, Uzia, to en tich jodolo ma nyikwa Harun, mowal ni tijno. Aye Kama Ler! Iketho! Ruoth Nyasaye nyalo kumi nikech wachni.”

Zaburi 18:20

Ruoth Nyasaye ne opoga pok mowinjore gi timna makare. Ne ochula mowinjore gi tichna maler,

Zaburi 18:26

Iler ni joma ler, to wiyi tek ni joma wigi tek.

Zaburi 50:23

Ng’at ma goyo erokamano, ema timona misango ma miya duong’, kendo ng’at ma oluora, ema anawar.”

Zaburi 73:20

A Ruoth Nyasaye, gichalo lek malal nono gokinyi, ma, kichiew, to wiyi osewilgo.

Zaburi 91:14

Nyasaye owacho niya, “Anawar joma ohera, kendo nakony jogo mong’eya.

Zaburi 91:15

Ka giywakna, to nadwokgi, kendo ka gin e chandruok, to anabed kodgi. Anaresgi, kendo anami gibed joma oluor.

Wuok 28:43

Harun gi yawuote nyaka rwakgi ka gidonjo e Hemb Romo, kata ka gidhi e kendo-mar-misango mondo giti tich dolo. Kamano ok ginikethi, kendo ok ginitho. Chikni omako Harun gi nyikwaye nyaka chieng’.

Wuok 29:9

kendo ituenigi okanda e nungogi, bende isidhnigi kilemba. Mano e kaka iniket Harun gi yawuote e tichgi, kendo ginibed jodolo mosiko nyaka chieng’.

Ngeche 12:8

Ng’at mariek yudo pak. Ng’at maonge rieko to inyiero anyiera.

Ngeche 4:8

Her rieko, eka enomiyi duong’, kendo padri kuome, mondo okelni luor.

Ngeche 8:17

Ahero joma ohera, kendo ng’ato nag’ata madwara to yuda.

Isaya 29:13

Bang’ mano, Ruoth Nyasaye nowacho niya, “Jogi lama mana gi dhogi kende, kendo gimiya luor mana gi dhogi ma oko, to chunygi bor koda, kendo luor ma giluorago en mana chik mar dhano, momak gi wich.

Jeremia 29:32

Nowacho niya, “An Ruoth Nyasaye abiro kumo Shemaya gi nyikwaye duto, nikech ne owuoyo ka gima en janabi, mi omiyo uyie weche mag miriambo, to ne ok aore. Ok nobed gi nyikwayo ma nochung wiye e ogandau, bende obiro tho ka pok oneno gik mabeyo ma abiro timo ni joga, nikech nowachonigi mondo gitamre mako chikena. An Ruoth Nyasaye ema awacho kamano.”

Jeremia 49:15

Un jo-Edom, Ruoth Nyasaye biro miyo ogandau dok manyap, kendo onge ng’ama biro miyou luor.

Ezekiel 34:10

an Ruoth Nyasaye awacho ni kaka an Nyasaye mangima, amon kodu. Abiro golo rombena oko kuomu, mi ok nachak awe kendo ubed jokwadhgi kendo, kuritoru mana kendu uwegi! Bende abiro resogi e lwetu, mi ok nawe uchamgi.

Daniel 4:34

To kane higni abiriyogo oserumo, an Nebukadnezar ne ang’iyo polo malo, mi parona oduogo. Ne apako Nyasaye Maduong’ Moloyo ma osiko nyaka chieng’, mi amiye duong’ gi luor, ka awacho niya, “Lochne osiko nyaka chieng’.

Malaki 1:6

Ruoth Nyasaye Manyalo Gik Moko Duto owacho ni jodolo niya, “Wuowi nyaka mi wuon luor, kendo jatich bende nyaka luor ng’at ma otiyone. To an dak umiya duong’, to an wuonu? Koso dak umiya luor, to an ema utiyona? Usejara, to eka upenja ni, ‘Ere kaka wasejari?’

Malaki 2:3

Anang’ad bedeu oko kendo anarwadh owuoch jamni mutimogo misengni e pat wengeu, mi nariembu ua e wang’a.

Kwan 11:20

to unuchame kuom due ngima, nyaka chop othing’u, mi ung’ogi, nikech usedagi Ruoth Nyasaye modak e kindu, kendo useywakne kuwacho niya, “Ang’o momiyo ne wawuok e piny Misri?” ’ ”

Kwan 35:34

Kik uchid pinyu mudakie, kendo ma an bende adakie, nimar an Ruoth Nyasaye adak e kind jo-Israel.”

Johana 12:26

Ka ng’ato tiyona, to nyaka oluwa, kendo kama antie ema jatichna bende nobedie. Ka ng’ato tiyona, to Wuora nomiye duong’.

Johana 5:23

mondo ji duto omi Wuowi duong’ mana kaka gimiyo Wuoro. Ng’at ma ok mi Wuowi duong’, to ok mi Wuoro mane ooro Wuowi duong’.

Johana 5:44

To ere kaka unyalo bedo gi yie, kuhero mondo ng’ato ka ng’ato oyud pak kuom wadgi, to ok utem mondo uyud pak moa kuom Nyasaye ma achiel kende.

Johana 8:49

To Yesu nodwokogi ni, “Aonge gi jachien, to Wuora ema amiyo duong’. Un to uchaya.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

1 Petro 1:7

Gik makamago timore mondo otemugo one ane ka un gi yie maradier. Kata mana dhahabu ma nyalo kethore bende itemo gi mach. Omiyo yie maru, ma nengone tek moloyo dhahabu, nyaka tem mondo ong’ego ka en yie maradier. Eka nuyud pak gi duong’ kod luor, chieng’ ma Yesu Kristo ofwenyore.

Jong’ad Bura 9:10

Eka yien nowacho ni ng’owo ni, ‘To in diyie mondo ibed ruodhwa?’