1 Samuel 2:28 - MUMA MALER 2015

²⁸ Ne ayiere kuom dhout Israel duto mondo obed jadolona, kendo odhi e kendona-mar-misango, otim misengni, kendo orwakre gi law dolo miluongo ni efod e nyima. Namiyo dhoodu misengni duto miwang’o ma jo-Isarel chiwo.

Motingʼo Loko Manyien

²⁸ Nayiero wuonu e kind dhout Israel mondo obed jadolona mondo oidh malo e kendona mar misango, mondo owangʼ ubani, kendo orwak law mayom mar dolo miluongo ni efod e nyima. Ne achako amiyo od wuonu misengini duto ma jo-Israel wangʼo gi mach.

1 Samuel 2:28 ပူးပေါင်းရင်းမြစ်များ

2 Samuel 12:7

Eka Nathan nowacho ni Daudi niya, “In e ng’atno! Ruoth Nyasaye ma Nyasach Israel owacho kama: ‘Ne ayieri mondo ibed ruodh Israel, kendo naresi e lwet Saulo.

2 Samuel 6:14

Nomiel aduwa e nyim Ruoth Nyasaye gi tekre duto, korwakore gi law dolo.

Wuok 28:1

“In iwuon nyaka iluong Harun owadu gi yawuote, ma Nadab gi Abihu gi Eleazar kod Ithamar, kuom jo-Israel mondo iket obed jodolona.

Wuok 28:4

Lewni monego gilos e magi: Law agoko gi law dolo miluongo ni efod, gi aroya, gi law akor mogorie maridadi, kaachiel gi kilemba kod okanda. Ginibed lewni maler ma Harun owadu gi yawuote rwako ka tiyona tich dolo.

Wuok 30:7

Harun nyaka wang’ ubani mang’ue ng’ar e kendono okinyi kokinyi koiko teyni,

Wuok 30:8

kendo odhiambo kodhiambo komokogi. Kamano ubani nobed kiwang’o e nyim Ruoth Nyasaye nyaka chieng’.

Tim jo-Lawi 2:10

To gima odong’ kuom chiwono nobed mar Harun gi yawuote. En gima ler moloyo, nikech ogole kuom misango miwang’o ni Ruoth Nyasaye.

Tim jo-Lawi 2:3

To mogo gi mo modong’ kuom chiwono nobed mar Harun gi yawuote. En gima ler moloyo, nimar ogole kuom misango miwang’o ni Ruoth Nyasaye.

Tim jo-Lawi 6:16

To modong’, Harun gi yawuote nocham, maonge thowi, e laru mar Hemb Romo, ma en kama oyang ni Ruoth Nyasaye.

Tim jo-Lawi 7:32

Bende unumi jadolo em ma korachwich mar chiayo ka chiayo motimgo misango mar sawo.

Tim jo-Lawi 7:36

Chieng’ mane owirgieno, Ruoth Nyasaye nogolo chik ni, jo-Israell nyaka mi jodolo migepego. Mano en chik momako jo-Israel nyaka chieng’.

Kwan 16:5

Bang’e nowacho ni Korah gi joge niya, “Kiny gokinyi Ruoth Nyasaye nohul ng’at ma ng’ate adier, kod ng’at mowalne, kendo monego timne misengni. Ng’at ma Ruoth Nyasaye oyiero ema notim misengni ni Ruoth Nyasaye.

Kwan 18:19

“Mich duto mag gik maler ma jo-Israel chiwo ni Ruoth Nyasaye, amiyo gi yawuoti kod nyigi, kaluwore gi chik mochwere. Mano en singruok mosiko ma ok kethre, ma Ruoth Nyasaye otimo kodi kaachiel gi nyikwayi bende.”

1 Samuel 14:3

Ahija wuod Ahitub, ma owadgi Ikabod, ma wuon Finehas, ma wuod Eli, jadolo mar Ruoth Nyasaye e Shilo, ema ne oting’o law dolo miluongo ni efod. To onge ng’ama nong’eyo ni Jonathan osedhi.

1 Samuel 2:18

Samuel ne tiyo e nyim Ruoth Nyasaye ka pod en nyathi, korwakore gi nanga mar katana.