1 Samuel 2:17 - MUMA MALER 2015

¹⁷ Ketho mag yawuowigo ne dongo ahinya e nyim Ruoth Nyasaye, nikech ne gichayo gima ochiw ni Ruoth Nyasaye.

Motingʼo Loko Manyien

¹⁷ Richo mag yawuowigi ne lich ahinya e nyim Jehova Nyasaye nikech ne gichayo gima ochiw ne Jehova Nyasaye.

1 Samuel 2:17 ပူးပေါင်းရင်းမြစ်များ

Chakruok 10:9

Ne en jadwar maratego e nyim Ruoth Nyasaye. Mano emomiyo ipako ng’ato ni “Jadwar maratego e nyim Ruoth Nyasaye ka Nimrod.”

Chakruok 13:13

To jo-Sodom ne joma okethore kendo ma joricho motamore gi nono e nyim Nyasaye.

Chakruok 6:11

Nyasaye noneno ni piny duto osekethore, kendo opong’ gi timbe mahundu.

2 Ruodhi 21:6

Nowang’o wuode bende, kotimogo misango. Noyie gi jokor wach gi jo nyakalondo kod ajuoke. Timbene maricho ne ng’eny e nyim Ruoth Nyasaye, omiyo mirima nomako Ruoth Nyasaye.

Zaburi 51:4

In kendi ema asekethoni, ka atimo gik ma ok ler e nyimi. Kuom mano, ayie ni in kare kiyala, kendo ka ing’adona bura.

Isaya 3:8

Jerusalem nokethre kendo Juda nopodhi nikech gisewuoyo marach kuom Ruoth Nyasaye, bende gisetimone timbe maricho, ka gipiem gi duong’ne mang’ongo.

Malaki 2:13

To bende uywak kendo udengo, ka ulwoko kendo-mar-misango mar Ruoth Nyasaye gi pi wang’u, nikech Ruoth Nyasaye odagi ng’iyo misengni muchiwone, kata yie kodgi ok oyie.

Mathayo 18:7

Gik mamiyo ji donjo e richo nomi ji modak e piny ne malit. Gik ma kamago ok nyal bare mak obetie, to mano kaka nobed malit ni ng’at makelogi!

1 Samuel 2:16

To kapo ni ng’atno odwoke niya, “We mondo okwong owang’ bor, eka ikaw gima ihero,” to jatich ne wacho ni, “Ngang’! Miyago mana sani. To ka ok itimo kamano, to abiro kawo gi thwon.”

1 Samuel 3:13

Nyaka iwachne ni abiro ng’ado ni dhoode bura mosiko, nikech nong’eyo ni yawuote yanyo Nyasaye, to ne ok okwerogi.