1 Samuel 2:15 - MUMA MALER 2015

¹⁵ To bende kane pok owang’ bor e kendo-mar-misango, jatich jadolo ne biro kawacho ni ng’at matimo misango niya, “Chiw ring’o mondo obul ni jadolo, nikech ok odwar ring’o motedi, to odwaro mana manumu.”

Motingʼo Loko Manyien

¹⁵ To kata ka boche ne pok owangʼ, jatich jadolo ne biroga ma wach ne ngʼama chiwo misango niya, “Mi jadolo ringʼo moko mondo obul nikech ok obi yie kawo ringʼo mosetedi kuomi makmana manumu.”

1 Samuel 2:15 ပူးပေါင်းရင်းမြစ်များ

Wuok 12:9

Kik ucham ringe moro manumu, kata motedi, to nyaka bule duto, kaachiel gi wiye gi tiendene kod jamb iye.

Tim jo-Lawi 3:16

Jadolo nowang’ mago duto e kendo-mar-misango madum mamit. Boche duto gin mag Ruoth Nyasaye.

Jo-Rumi 16:18

nikech ok gin jotich Ruodhwa Yesu Kristo, to gitiyo mana ni gombogi giwegi. Giwuondo joma kia gi weche mamit kendo malombo ji.

Jo-Filipi 3:19

To notiekgi e giko, nimar igi e nyisechegi, kendo gisungore mana ni gik makelonigi wichkuot, bende giparo mana weche mag pinyni.

Juda 1:12

Jogi gin mbelni e sewni mutimo mag hera, ka gichiemo kodu maonge wichkuot. Gin jokwath maparo mana gin giwegi kende! Gichalo rumbi ma yamo riembo to ok kel koth, kendo gichalo yiend olemo ma ok nyagi e ndalo oro, kendo mopudh gi tiendgi, mi otho chuth.

1 Samuel 2:14

Nonyumo umano e gima itedoe, kaka agulu, kata kabange, kata nyalaro. Ring’o duto mane lak uma omako ema ne jadolo kawo. Kamano e kaka ne gitimo ni jo-Israel duto ma nobiro Shilo.

1 Samuel 2:16

To kapo ni ng’atno odwoke niya, “We mondo okwong owang’ bor, eka ikaw gima ihero,” to jatich ne wacho ni, “Ngang’! Miyago mana sani. To ka ok itimo kamano, to abiro kawo gi thwon.”