1 Samuel 2:13 - MUMA MALER 2015

¹³ E ndalogo gima jodolo ne timo ni jolemo ne chalo kama: kane ng’at moro timo misango, jatich jadolo ne biro gi uma ma lekene adek ka pod itedo ring’o.

Motingʼo Loko Manyien

¹³ Koro ma e tim mane jodolo timo ne ji kane ngʼato angʼata ne chiwo misango, kendo kane pod ringʼo chiek, to jatij jadolo ne biroga gi uma mabor man-gi leke adek e lwete.

1 Samuel 2:13 ပူးပေါင်းရင်းမြစ်များ

Ezekiel 46:20

mowacho niya, “Mano e kama jodolo onego ochwakie ring’o ma gitimogo misengni mag golo richo kod mago mipwodhogo ketho mag gowi, kendo kanyo ema gitedoe misengni mag cham. Kamano onge gimoro maler ma diter e laru maoko, kuma gino nyalo miyoe ji hinyruok!”

1 Samuel 2:14

Nonyumo umano e gima itedoe, kaka agulu, kata kabange, kata nyalaro. Ring’o duto mane lak uma omako ema ne jadolo kawo. Kamano e kaka ne gitimo ni jo-Israel duto ma nobiro Shilo.

1 Samuel 2:22

Eli koro noti ahinya. Nowinjo gik mane yawuote timo ni jo-Israel duto, kendo kaka ne giterore gi mon matiyo e dho Hemb Romo.

1 Samuel 2:29

Ang’o momiyo koro uchayo misengni maga gi mich masechiko? Imiyo yawuoti duong’ moloyo an awuon, kiweyo gichamo lemo mabeyo mag mich ma joga Israel kelo, mi gidoko machwe.