1 Samuel 2:10 - MUMA MALER 2015

¹⁰ Joma piem gi Ruoth Nyasaye notur matindotindo, komiyo polo mor kuomgi. Ruoth Nyasaye ng’ado bura e tung’ piny gi tung’ piny. Enomi ruoth moyiero duong’, kendo nomede teko.”

Motingʼo Loko Manyien

¹⁰ joma piem gi Jehova Nyasaye ibiro tur matindo tindo. Obiro mornegi gie polo; kendo Jehova Nyasaye biro ngʼado bura ne tunge piny. “Obiro miyo ruodhe teko kendo obiro miyo teko mar ngʼate mowir onenre.”

1 Samuel 2:10 ပူးပေါင်းရင်းမြစ်များ

2 Samuel 22:14

Dwond Ruoth Nyasaye nomor. Ee, Ng’ama Duong’ Moloyo nomor gie polo.

2 Samuel 7:13

En ema nogerna ot, kendo anager lochne osik nyaka chieng’.

2 Samuel 7:8

Bende nyis Daudi ni Ruoth Nyasaye Manyalo Gik Moko duto owacho kama: ‘Ne agoli e lek, kuma nikwayoe rombe, mondo ibed jatend joga Israel.

Ayub 40:9

Bende iratego ka an adier? Koso dwondi bende chal gi mara ma mor ka polo?

Zaburi 132:17

Kanyo ema naketie nyakwar Daudi moro ruoth maduong’. Adier, kanyo ema nyikwa ruoth ma aseyiero biro bedoe gi loch.

Zaburi 148:14

Nomiyo ogandane ma jo-Israel odoko motegno, ni mondo joge mohero ahinya opake. Pakuru Ruoth Nyasaye!

Zaburi 2:2

Ruodhi mag piny gi jotelo hodho wach mondo opiem gi Ruoth Nyasaye kod ruoth moyiero.

Zaburi 2:6

Owacho niya, “Ruoth ma ayiero aseketo ewi Sayun, goda maler.”

Zaburi 2:9

Iniritgi gi ludh nyinyo, kendo initogi matindo tindo ka mbalatago.’ ”

Zaburi 20:6

Koro ang’eyo ni Nyasaye osekonyo ruoth moyiero mowir, kendo ni osedwoke gie polo malo, kokonye gi tekone maduong’ mondo olochi.

Zaburi 20:7

Ji moko ogeno kuom gechegi mag lweny, to moko ogeno kuom faresegi. Wan to wageno kuom teko mar Ruoth Nyasaye!

Zaburi 21:1

A Ruoth Nyasaye, ruodhwa mor nikech teko mane imiye. Oil ahinya nikech ne imiyo oloyo lweny.

Zaburi 28:8

Ruoth Nyasaye e teko joge, orito ruoth ma oyiero kendo orese.

Zaburi 45:7

Ihero timbe makare to imon gi timbe maricho. Mano emomiyo Nyasaye ma Nyasachi oseyieri ruoth, mowiri gi mo komiyi mor mang’eny moloyo mor ma osemiyo jowadu.

Zaburi 89:17

Imiyowa loch madongo. Ee, ng’wononi ema omiyo walocho,

Zaburi 89:24

Pile abiro here, kendo abiro bedone mang’won, bende abiro miye locho.

Zaburi 89:25

Anayar tong’ pinye, chakre nam Mediterenia nyaka aora Yufrate.

Zaburi 96:13

nikech obiro mondo orit piny. Adier, obiro rito ji duto mae piny gi bura makare kod adiera.

Zaburi 98:9

nimar obiro mondo orit piny. Adier, obiro rito ogendini duto mae piny gi bura makare kod adiera.

Wuok 15:6

“A Ruoth Nyasaye, badi ma korachwich nigi teko maduong! Oturo wasiki matindotindo.

Eklesiastes 11:9

Un joma tindo, beduru mamor e ndalo ma pod utindo. Timuru gik moko duto mudwaro, kendo yuduru gik moko duto ma chunyu gombo. To kata kamano, nyaka ung’e ni Nyasaye noyalu kuom gik moko duto mutimo.

Eklesiastes 12:14

Nyasaye biro yalowa kuom gik moko duto ma watimo, kata mana gik motim ling’ling’, bed ni gibeyo kata giricho.

Isaya 29:6

Piyopiyo nono, Ruoth Nyasaye manyalo Gik Moko Duto biro biro mondo okonyi. Polo nomor, kendo piny noyiengni gi koko maduong’. Kodh yamo bende nobedie, gi kalausi, kod polo ma goyo gik moko.

Isaya 32:1

Winjuru! Ruoth moro biro biro ma norit piny e yo makare, kendo jotende noti gi adiera.

Isaya 45:24

Ji nowach niya, ‘Ruoth Nyasaye kende ema nigi teko, kendo ema miyo ji locho. Ji duto mapiem kode nochung’ e nyime ka wigi okuot.

Ezekiel 29:21

“E ndalogo anami jo-Israel bed oganda matek, mi in Ezekiel nami iwuo kama ji duto nyalo winjie mondo ging’e ni an e Ruoth Nyasaye.”

Mathayo 25:34

Eka nowachi ni joma ni e bade korachwich niya, ‘Biuru, un joma Wuora oseguedho, mondo ukaw piny moseiknu chakre chwech piny,

Mathayo 28:18

Yesu nosudo irgi, mowachonigi niya, “Osemiya teko duto e polo kendo e piny,

Luka 1:69

Osekelonwa Jawar maratego, moa e dhood Daudi jatichne, mana kaka nosingore.

Luka 19:27

To wasika mane ok dwar ni mondo abed ruodhgi to keluru ka mondo uneg mana ka aneno.’ ”

Tich Joote 10:38

Ung’eyo kaka Nyasaye noyiero Yesu ja-Nazareth, komiye Roho Maler, kendo omiye teko. Ne odhi kuonde duto, kotimo timbe mabeyo, kendo ochango ji duto mane Satan sando, nikech Nyasaye ne ni kode.

Tich Joote 4:27

“Chutho, Herode gi Pontio Pilato nochokore Jerusalem kod ogendini mamoko kaachiel gi jo-Israel, ka gipiem gi Yesu Jatichni Maler mane iyiero obedo Mesia.

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

Jong’ad Bura 5:31

“A Ruoth Nyasaye, wasiki duto mondo olal nono kamano, to ji duto moheri mondo orieny ka wang’chieng’ ma wuok gi tekone duto.” Bang’e piny Israel nobedo gi kue kuom higni piero ang’wen.

1 Samuel 12:13

Emomiyo koro neuru ruoth museyiero, kendo ma nukwayo, nimar Ruoth Nyasaye osetimonu mana gima nukwaye.

1 Samuel 12:17

Donge en ndalo kwayo Ruoth Nyasaye mondo omi polo omor, kendo koth ochue, mi ubiro neno kendo ng’eyo kaka nuketho ahinya kuom kwayo mondo ubed gi ruoth maritou.”

1 Samuel 12:18

Kamano Samuel nokwayo Ruoth Nyasaye, mi Ruoth Nyasaye nomiyo polo omor, kendo koth ochue, chieng’no. Omiyo ji duto noluoro Ruoth Nyasaye ahinya, kod Samuel bende.

1 Samuel 12:3

Era e. Koro donjnauru e nyim Ruoth Nyasaye, kendo e nyim ruoth moseyiero mowir. Rwadh ng’a, kata kanj ng’a masekawo? Ere ng’a ma asemayo gire? Koso ere ng’ama asethiro? Kata en ng’a ma asekawo asoya kuome, madinogo wang’a? Ng’eng’auru, mondo adwoknugo.”

1 Samuel 15:28

Eka Samuel nokone niya, “Kawuono Ruoth Nyasaye oyiecho loch Israel kuomi, kendo omiyo ng’at machielo, maber moloyo.

1 Samuel 16:1

Ruoth Nyasaye nowacho ni Samuel niya, “Ibiro kuyo nyaka karang’o, to asedagi ni kik Saulo obed ruoth? Koro ol mo e tung’ni mondo aori ir Jesse ja-Bethlehem, nikech aseyiero wuode moro mondo obed ruoth.”

1 Samuel 7:10

Kane pod Samuel timo misango, jo-Filistia nokayo ni jo-Israel mondo oked kodgi, to Ruoth Nyasaye nomiyo polo omor matek kuom jo-Filistia, mokeyogi mi jo-Israel noloyogi.