1 Samuel 19:5 - MUMA MALER 2015

⁵ Noyie tho konego ja-Filistia cha, mi Ruoth Nyasaye nokelo konyruok maduong’ ni jo-Israel duto. Nineno mano, kendo nimor. Marang’o koro idwaro timo marach ni Daudi maonge ketho, kinege kayiem nono?”

Motingʼo Loko Manyien

⁵ Noyie tho chiengʼ mane onego ja-Filistia. Jehova Nyasaye nokelo loch maduongʼ ne jo-Israel duto, ne ineno mine imor. Angʼo madimi itim marach ni ngʼama onge ketho ka Daudi kinege maonge gima omiyo?”

1 Samuel 19:5 ပူးပေါင်းရင်းမြစ်များ

2 Samuel 23:10

to en nochung’ kanyo, monego jo-Filistia nyaka bade nojony, mi ligangla nomoko e lwete, kendo Ruoth Nyasaye nomiyogi loch maduong’ chieng’ono. Kane jolweny oduogo ir Eleazar bang’ ringo, koro ne odong’nigi mana dedo joma otho.

1 Weche mag Ndalo 11:14

To gin ne gichung’ gineno jo-Filistiago e dier puodhono, ka girite, kendo ne ginego jo-Filistiago. Mano e kaka Ruoth Nyasaye noreso jo-Israel, komiyogi loch maduong’.

1 Weche mag Ndalo 11:18

Eka thuondi adekgo nomwomo oganda mar jo-Filistia. Ne gidhi omo pi sokono, mi gikelo ni Daudi, to nodagi modho pigno, moole piny ka misango ni Ruoth Nyasaye,

Zaburi 109:5

Gichula richo kar ber, kendo sin kar hera ma aherogigo.

Zaburi 119:109

Pile ngimana nie masira, to kata kamano pok wiya owil gi chikni.

Zaburi 25:3

Ji ma ogeno kuomi ok yud wichkuot, to joma piem kodi kayiem ema wigi kuot.

Zaburi 69:4

Joma mon koda kayiem nono ng’eny, moloyo yie wiwa gi ng’eny, bende joma hangona wach kendo dwaro nega, rateke mokadho! Ne gichuna mondo amigi gik mane ok akwalo.

Zaburi 94:21

kendo ma chokore mondo otim ni joma kare timbe mamono, mi ng’ad ni joma onge ketho buch tho.

Wuok 14:13

Musa nodwokogi niya, “Kik uluor! Chung’uru motegno mondo une kaka Ruoth Nyasaye biro resou kawuono, nimar jo-Misri munenogi, ok unune kendo.

Jeremia 26:15

To nyaka ung’e ni ka unega, to un gi ji duto modak e dalani unubed joketho kuom nego ng’at ma onge ketho, nimar Ruoth Nyasaye ema oseora mondo anyisu wechego duto.”

Mathayo 27:24

Kane Pilato oneno ni ok ginyal yie kode, kendo tulo ema dwaro wuok, nokawo pi, mologo e nyim ji, kowacho niya, “An aonge bura kuom remb ng’atni. Mano en wachu!”

Mathayo 27:4

kowachonigi niya, “Asetimo richo kuom ndhogo remo ma onge ketho.” To ne gidwoke ni, “Mano obadho mana in! Ok en wachwa.”

Johana 15:25

Mago duto nyaka timre mondo ochop weche mondiki e Chikgi ni, ‘Ne gimon koda kayiem nono.’

Tich Joote 20:24

To an ok akwan ngimana ka gimoro kata matin, to adwaro mana ni mondo achop wuodha, kendo atiek tich mane Ruoth Yesu omiya mondo ati, ma en hulo Wach Maber mar ng’wono mar Nyasaye.

Jo-Filipi 2:30

nimar nochiwo ngimane mi both otho nikech tich Kristo, mondo okonya gi kony mane un uwegi ok unyal konyago, nikech un mabor koda.

Jo-Hibrania 2:3

Wan to dwatony nade, ka wajwang’o warruok maduong’ makama? Ruoth Yesu owuon ema nokwongo nyiso ji wach warruokno, eka joma nowinjo wachno nonyisowa ni en adier.

Jong’ad Bura 12:3

Kane aneno ni ok ubi resowa,

Jong’ad Bura 9:17

Bende usetimo ni wuora gima owinjore gi timne maber mane otimo kokedonu kendo kowitore e nyim lweny, moresou e lwet jo-Midian?

1 Samuel 11:13

To Saulo nowacho niya, “Kawuono ok nyal neg ng’ato, nikech tinendeni ema Nyasaye oresoe jo-Israel.”

1 Samuel 14:45

To ji duto nowacho ni Saulo niya, “Bende Jonathan nyalo tho adier, to en ema osekelo konyruok maduong’ kama e Israel? Ngang’! Gi nying Ruoth Nyasaye, kata mana yie wiye achiel ok nolwar piny, nikech Nyasaye ema osekonye timo tich mosetimo kawuononi.” Kamano ji nowaro Jonathan mondo kik tho.

1 Samuel 19:6

Saulo nowinjo wach Jonathan, mi nokuong’ore gi nying Ruoth Nyasaye ni ok noneg Daudi.

1 Samuel 20:32

To Jonathan nodwoko Saulo wuon mare niya, “Ere gimomiyo dotho? Ang’o mosetimo?”

1 Samuel 22:14

Ahimelek nodwoko ruoth niya, “To kuom jotichni duto, ere ng’at ma jaadiera ma dirom gi Daudi ma ori, ma jatend joma riti, kendo momi duong’ e odi?

1 Samuel 28:21

Dhakono nosudo bute, kendo ka noneno ni luoro omake, nokone niya, “Nende awinjo wachni, kendo nayie tho kane atimo gima nikwaya.