1 Samuel 19:17 - MUMA MALER 2015

¹⁷ Saulo nopenjo Mikal niya, “Marang’o iwuonda kamano, miweyo jasika odhi, motony?” To Mikal nodwoke niya, “Nokona ni mondo aweye odhi, nono to onega.”

Motingʼo Loko Manyien

¹⁷ Saulo nowachone Mikal niya, “Angʼo momiyo iwuonda kama kiweyo jasika dhi matony?” Mikal nowachone niya, “Nowachona ni, ‘Weya adhi. Angʼo momiyo danegi.’ ”

1 Samuel 19:17 ပူးပေါင်းရင်းမြစ်များ

2 Samuel 17:20

Kane jotich Absalom ochopo e dalano, ne gipenjo dhakono niya, “Ere Ahimaaz gi Jonathan?” Dhakono nodwokogi niya, “Giseidho loka aora.” Jotich Absalom nodwarogi, to ne gitamogi nwang’o, mi gidok Jerusalem.

2 Samuel 2:22

Mi Abner nowachone kendo ni, “Bar mondo iwe lawa, dipo ka agoyi manegi. To katimo kamano. To ere kaka dachung’ e nyim Joab owadu?”

1 Ruodhi 21:20

Ahab nowacho ni Elija niya, “Yaye, jasika, kara isenwang’a?” Nodwoke ni “Ee, asenwang’i, nikech isechiwori mar timo gik ma Ruoth Nyasaye okwero.

Mathayo 2:16

To kane Herode ofwenyo ni ajuokego osewuonde, mirima mager nomake, mi ogolo chik mondo oneg nyithindo duto ma yawuowi man Bethlehem kod manie gwenge mokiewo gi dalano, chakre johigni ariyo kaduogo chien. Noyiero nyithindo ma johignigo koluwore gi ndalo mane ajuoke osenyise ni onenoe sulue.

Jo-Galatia 4:16

To koro asedoko jasiku nikech awachonu adiera koso?

1 Samuel 19:14

Kane Saulo ooro joote mondo omak Daudi, Mikal nowachonigi ni otuo.

1 Samuel 19:16

To kane jootego odonjo, ne ginwang’o mana kido mar nyasaye manono e kitanda, kod raten molos gi yie diek yo ka wiye.

1 Samuel 22:17

Eka ruoth nowacho ni jorit ma nochung’ bute niya, “Dhiuru, uneg jodolo mag Ruoth Nyasaye, nikech gin bende giriwore gi Daudi. Ne ging’eyo ni oringo to ne ok ginyisa.” To jotich ruoth notamore nego jodolo mag Ruoth Nyasaye.

1 Samuel 28:12

To kane dhakono oneno Samuel kawuok, nokok matek, kowacho ni Saulo niya, “Marang’o iwuonda? To kara in mana Saulo!”