1 Samuel 18:4 - MUMA MALER 2015

⁴ Jonathan nolonyo nanga mane orwako, momiyo Daudi kaachiel gi liganglane gi atung’e kod okandane.

Motingʼo Loko Manyien

⁴ Jonathan nogolo lawe mane orwako momiyo Daudi, nomiye lawe mar akor, gi liganglane bende, atungʼ gi okandane.

1 Samuel 18:4 ပူးပေါင်းရင်းမြစ်များ

Chakruok 41:42

Mi nogolo tere mar loch e lwete, moketo e lwet Josef. Nomiye lewni mag bafta mayom morwako, mi olierone thiwni mag dhahabu e ng’ute.

2 Samuel 1:22

Atung’ Jonathan ne ok duog nono, mak ochuero remo, kata mak ong’olo boche mag joma rateke. Ligangla Saulo bende ne ok duog nono.

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Ezekiel 23:15

Ne oneno kido, mag jotend Babulon mogor e kor udi, kendo owir gi range makwar, ne otuenigi misibe e nungogi, kendo ne onalnigi kilemba mabeyo e wigi.

Luka 15:22

To wuon mare nowacho ni jotichne ni, ‘Goluru law maberie moloyo piyopiyo mondo urwakne, kendo uketne tere e lith lwete. Wuoche bende mondo urwakne e tiende.

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

1 Samuel 17:38

Mi norwako Daudi kod gige owuon mag lweny. Nosidhone ogut mula, kendo orwakone akor mar nyinyo.

1 Samuel 18:5

Daudi nolocho kuonde duto mane Saulo oree, omiyo Saulo nokete jatend jolweny. Wachno nodoko maber ni ji duto, kata mana ni jodong Saulo.