1 Samuel 18:27 - MUMA MALER 2015

²⁷ Omiyo nowuok gi joge ka ndalo moket pok ochopo, mi ne ginego jo-Filistia mia ariyo. Eka Daudi nokelo ringregi, mokwano ni ruoth mondo obed ore, mi Saulo nomiye Mikal nyare mondo obed chiege.

Motingʼo Loko Manyien

²⁷ Daudi gi joge nodhi monego jo-Filistia mia ariyo. Nokelo ringregi (ma en pien duongʼ-gi) kendo nochiwo kar kwan-ka duto mondo omi obed or ruoth. Eka Saulo nomiye Mikal nyare mi okendo.

1 Samuel 18:27 ပူးပေါင်းရင်းမြစ်များ

2 Samuel 3:13

Daudi nodwoke niya, “Ber! Ayie timo kodi winjruok, to mak mana kikelo Mikal nyar Saulo, chieng’ mibiro nena.”

2 Samuel 3:14

Bende Daudi nooro joote ir Ishbosheth wuod Saulo, kowacho niya, “Dwokna Mikal ma chiega, ma nanywomo gi ringre jo-Filistia mia achiel.”

Jong’ad Bura 14:19

Eka Much Ruoth Nyasaye nolor kuom Samson gi teko, mi nodhi Ashkelon. Nonego ji piero adek kuno, mogonyo lepgi. Eka nokelo lewnigo momiyo joma ne ohulo tiend ngerono. Bang’e nodok dala, kokecho ahinya.

1 Samuel 14:49

Yawuot Saulo ne Jonathan gi Ishfi kod Malkishua, to nyige ne Merab, nyare maduong’ gi Mikal nyare matin.

1 Samuel 18:13

Kuom mano, nogole bute mokete jatend jolweny alufu achiel. Daudi ne telo ni joge e lweny,

1 Samuel 18:17

Saulo nowacho ni Daudi niya, “Ineno Merab nyara maduong’ni? Abiro miyigo, ikende. To in nyaka ibed mathwon, kikedona lwenje gi wasik Ruoth Nyasaye.” To Saulo ne dwaro ni mondo jo-Filistia ema oneg Daudi, ma ok onege en owuon.

1 Samuel 18:28

To kane Saulo oneno malong’o kaka Ruoth Nyasaye ni kod Daudi, kendo kaka jo-Israel duto ohere,

1 Samuel 25:44

To noyudo Saulo osekawo Mikal nyare, ma chi Daudi, momiyo Paltiel wuod Laish, ma ja-Galim.