1 Samuel 18:23 - MUMA MALER 2015

²³ To kane jotich Saulo onyiso Daudi, nodwokogi niya, “Uparo ni bedo or ruoth en gima yot koso, ma ng’at ang’ata ma jachan ka an kama, nyalo mana bet?”

Motingʼo Loko Manyien

²³ Neginwoyo wechego ne Daudi. To Daudi nowacho niya, “Uparo ni en wach mayot mar bedo or ruoth? An mana ngʼama odhier bende ok angʼera.”

1 Samuel 18:23 ပူးပေါင်းရင်းမြစ်များ

Chakruok 29:20

Jakobo notiyo ni Laban kuom higni abiriyo mondo okend Rahel, to hignigo duto nochalone mana ka ndalo moko manok, nikech nohero Rahel ahinya.

Chakruok 34:12

Nyisauru kar gik monego anywomnu kod chiwo monego amiu. Ayie chiwo gimoro amora mudwaro, kuyie ni mondo akend nyani.”

Zaburi 119:141

An atin, kendo ok an gimoro, to wiya ok wil gi chikeni.

Ngeche 14:20

Onge ng’ama ohero jachan. Jomwandu to nigi osiepe mathoth.

Ngeche 29:5

Ng’at ma pero wadgi chiko obadho mana ni en owuon.

1 Johana 3:1

Mano hera maduong’ manadi ma Wuoro osenyisowa kuom luongowa ni nyithind Nyasaye! Adier, wan nyithinde! Gimomiyo piny ok ong’eyowa en ni, piny kia Nyasaye.

1 Samuel 18:18

Daudi nodwoko Saulo niya, “An ng’a, koso anywolana en ang’o, kata joodwa gin ng’a gini e Israel, ma dahedhra bedo or ruoth?”

1 Samuel 18:22

Kuom mano nochiko jotichne mondo owach ni Daudi ling’ling’ niya, “Ruoth mor kodi, kendo jotichne duto oheri. Omiyo koro mondo ibed or ruoth.”

1 Samuel 18:24

Jotich Saulo noduogo ire, monyise gima Daudi owacho.

1 Samuel 9:21

Saulo nodwoke niya, “To an mana ja-Benjamin, ma libamba matinie moloyo libembni duto mag Israel, kendo dhoodwa en dhoot matinie moloyo dhoudi duto mag Benjamin. Koro, ere gimomiyo iwachona weche ma kamago?”