1 Samuel 18:17 - MUMA MALER 2015

¹⁷ Saulo nowacho ni Daudi niya, “Ineno Merab nyara maduong’ni? Abiro miyigo, ikende. To in nyaka ibed mathwon, kikedona lwenje gi wasik Ruoth Nyasaye.” To Saulo ne dwaro ni mondo jo-Filistia ema oneg Daudi, ma ok onege en owuon.

Motingʼo Loko Manyien

¹⁷ Saulo nowachone Daudi niya, “Ma en Merab nyara maduongʼ. Abiro miyigo mondo ikende; to mana ka inyalo kedona gi chir ka ikedo lwenje mag Jehova Nyasaye.” Nimar Saulo nowacho e chunye niya, “Ok abi keto lweta kuome. We jo-Filistia ema otim mano!”

1 Samuel 18:17 ပူးပေါင်းရင်းမြစ်များ

2 Samuel 11:15

Baruano nondikoe niya, “Ket Uria yo ka nyime, koma lweny gerie moloyo, to un udong’ chien uweye mondo onege.”

2 Samuel 12:9

Marang’o nichayo wach Ruoth Nyasaye, mitimo gima ok long’one? Isenego Uria ja-Hiti kuom golo chik otho e lwet jo-Amon, kendo isekawo chiege mi obedo chiegi.

2 Samuel 6:16

Kane Sanduk mar Ruoth Nyasaye ochopo e dala Daudi, Mikal nyar Saulo nong’icho gie dirisa, moneno ruoth Daudi ka chikore kendo miel aduwa e nyim Ruoth Nyasaye, mi nochaye gi chunye.

Zaburi 12:2

Ji duto riambo ni jowetegi, kendo ng’ato ka ng’ato wuondo wadgi gi weche manono.

Zaburi 55:21

En jambola, to chunye opong’ gi sigu. Adier, wechene yom ka mo, to kara gibitho mana ka ligangla mowuodhi e olalo!

Ngeche 26:24

Jasigu nyalo wuoyo kodi mamit gi dhoge, to chutho chunye maiye wuondi awuonda.

Ngeche 26:25

Kata obedo ni wechenego mit kamano, to kik iyie kode, nikech chunye sigu opong’o.

Ngeche 26:26

Onyalo wuondore ni oonge gi sigu, to kata kamano gik maricho motimo biro nenore e lela.

Kwan 21:14

Mano emomiyo Kitap Lwenje mag Ruoth Nyasaye wuoyo kuom Vaheb man Sufa, kod hohni man kuno niya,

Kwan 32:20

Musa nodwokogi niya, “Ka unyalo rito singruok musesingorugoni, mi uyie kedo e nyim Ruoth Nyasaye,

Kwan 32:27

to jowa duto ma jolweny biro ng’ado aora mondo odhi oked e nyim Ruoth Nyasaye kaka isechiko.”

Kwan 32:29

“Ka jo-Gad gi jo-Reuben duto ma jolweny ong’ado aora Jordan kodu mondo oked e nyim Ruoth Nyasaye, mi ukawo pinyno, to nyaka upognigi piny Gilead.

Rapar mar Chik 17:7

Joneno ema nyaka kwong goyo ng’at ma kamano gi kite, eka ji duto bende nogoye. Kamano e kaka unupwodhru kuom richo ma kamano.

1 Samuel 14:49

Yawuot Saulo ne Jonathan gi Ishfi kod Malkishua, to nyige ne Merab, nyare maduong’ gi Mikal nyare matin.

1 Samuel 17:25

Ne giwacho niya, “Donge uneno jal mabironi? Obiro mana ni mondo othian ni jo-Israel. Ng’at monege, to ruoth nomi mwandu mang’eny, kod nyare okendi. Bende joodgi ok nogol osuru kata tiyo tich achune e Israel.”

1 Samuel 17:36

Asenego sibuoche gi ondiegi, omiyo ja-Filistia ma kia Nyasayeno bende biro tho mana ka ondiegigo, nikech othiano ni ogend Nyasaye mangima.”

1 Samuel 17:47

Kamano joma ochokore ka duto biro ng’eyo ni Nyasaye ok res joge gi ligangla kod tong’. Lweny en mar Ruoth Nyasaye, kendo en ema obiro ketou e lwetwa.”

1 Samuel 18:21

Noparo ni komiyego, to obiro bedone obadho, mondo jo-Filistia onege. Omiyo Saulo nochako oparo ni mondo Daudi obed chwor nyare.

1 Samuel 18:25

Eka Saulo nowachonigi niya, “Wachuru ni Daudi ni ruoth ok dwar gima inywomone, to odwaro mana ringre jo-Filistia mia achiel, mondo ochulgo kuor ni wasike.” To Saulo noparo ni mano ema dimi Daudi tho e lwet jo-Filistia.

1 Samuel 18:27

Omiyo nowuok gi joge ka ndalo moket pok ochopo, mi ne ginego jo-Filistia mia ariyo. Eka Daudi nokelo ringregi, mokwano ni ruoth mondo obed ore, mi Saulo nomiye Mikal nyare mondo obed chiege.

1 Samuel 25:28

Asayi, wena kethona, nimar adier Ruoth Nyasaye nomi dhoodi bedo mosiko, nikech ikedo gi wasike. Onge masira ma biro nwang’i e ndaloni duto.

1 Samuel 30:26

Kane Daudi odok Ziklag, nooro gik mope moko ni jodong Juda ma osiepene, kowachonigi niya, “Aoronu mich moa kuom gik mwapeyo kuom wasik Ruoth Nyasaye.”