1 Samuel 18:1 - MUMA MALER 2015

¹ Kane Saulo otieko wuoyo gi Daudi,

Motingʼo Loko Manyien

¹ Kane Daudi osetieko wuoyo gi Saulo, chuny Daudi nowinjore gi mar Jonathan gi Daudi mine ohere mana kaka oherore owuon.

1 Samuel 18:1 ပူးပေါင်းရင်းမြစ်များ

Chakruok 44:30

Emomiyo ruoth,, ka adok ir wuora nono ka aonge gi rawerani,

2 Samuel 1:26

Ne ageni ahinya, kendo gen ma nigenago ne lich miwuoro. Ne okadho hera ma mon herogo chwogi.

1 Weche mag Ndalo 12:17

Daudi nowuok romonigi, mowachonigi niya, “Ka usebiro ira kaka osiepe mondo ukonya, to arwakou gi mor. To ka ubiro ni mondo undhoga, kendo uketa e lwet wasika, to onge gima aseketho, to Nyasach kwerewa mondo one wachno, kendo ong’adnu bura.”

Zaburi 86:11

A Ruoth Nyasaye, nyisa yori mondo awuothie gi adiera. Puonja kaka daluori gi chuny achiel.

Ngeche 18:24

Osiepe moko beyo mana kuom mbekni manono. Osiep maber to nyalo geni moloyo kata mana owadu monywoligo.

Rapar mar Chik 13:6

“Ka owadu hie kata wuodi kata nyari kata chiegi mihero, kata mana osiepni migeno osemi ling’ling’ kawachoni ni mondo idhi ilam nyiseche mamoko ma in ok ing’eyo kata ma kwereni bende ne ok ong’eyo,

Jo-Kolosai 2:2

Atimo kamano mondo gibed gi chuny motegno ka giriwore kuom hera mondo giyud mwandu mar chuny ma ng’ato yudo ka en gi ng’eyo maradier. Kamano gining’e wach mopondo mar Nyasaye, ma en Kristo owuon.

Jong’ad Bura 20:11

Kamano jo-Israel nowuok gi chuny achiel mondo omonj dalano.

1 Samuel 14:45

To ji duto nowacho ni Saulo niya, “Bende Jonathan nyalo tho adier, to en ema osekelo konyruok maduong’ kama e Israel? Ngang’! Gi nying Ruoth Nyasaye, kata mana yie wiye achiel ok nolwar piny, nikech Nyasaye ema osekonye timo tich mosetimo kawuononi.” Kamano ji nowaro Jonathan mondo kik tho.

1 Samuel 18:3

Jonathan gi Daudi ne joherore ahinya, omiyo ne gikuong’ore ni osiep manie kindgi ok norum.

1 Samuel 19:1

Saulo nowuoyo gi Jonathan wuode, kendo gi joge duto, ni mondo gineg Daudi.

1 Samuel 19:2

To Jonathan nohero Daudi ahinya. Omiyo nonyiso Daudi wach niya, “Saulo wuora dwaro negi. Emomiyo tang’, mondo kiny ipond gokinyi kama ogeng’ore.

1 Samuel 20:17

Jonathan nochako okuong’ore ni Daudi kendo, nikech nohere mana kaka noherore owuon.

1 Samuel 20:8

Emomiyo koro bedna jaadiera, nimar nikuong’orina e nyim Ruoth Nyasaye ni osiep manie kindwa ok norum. To ka aseketho, to nega in iwuon. Ang’o ma dimi itera ir wuoru?”

1 Samuel 22:8

Kara mano emomiyo uduto uriwona? Onge ng’ato kuomu mosenyisa ni wuoda notimo singruok gi wuod Jesse, bende onge ng’ato mane chunye okecha, kata mane onyisa ni wuoda nothuwo jatichna koda, mondo obutna, kaka otimo kawuononi.”

1 Samuel 23:18

Mi ne gikuong’ore e nyim Ruoth Nyasaye ni osiep manie kindgi ok norum. Bang’ mano, Jonathan nodok dala, to Daudi nodong’ Horesh.