1 Samuel 17:8 - MUMA MALER 2015

⁸ Goliath nokok ni jolweny mag Israel niya, “Marang’o uyaro ni lweny? Donge ung’eyo ni an ja-Filistia, to un to un jotich Saulo? Ara yieruru ng’ato mondo obi orad koda.

Motingʼo Loko Manyien

⁸ Goliath nochungʼ mokok ne jolweny mag Israel niya, “Angʼo momiyo ubiro kendo uriedo ne lweny? Donge an ja-Filistia, to un, donge un jotich Saulo? Yieruru ngʼato mondo olor obi kama antieni.

1 Samuel 17:8 ပူးပေါင်းရင်းမြစ်များ

2 Samuel 11:11

To Uria nodwoke niya, “Sandug Muma kod jo-Israel gi jo-Juda odak mana e hembe, kendo Joab ma jatendwa gi jodongi mag lweny bende jojot oko e pap. Koro ere kaka an dadonj e oda machiem kendo amethi, kendo anind gi chiega? Akuong’ora gi nyingi, ni ok natim kamano!”

1 Weche mag Ndalo 21:3

To Joab nodwoke niya, “Kata da bed ni Ruoth Nyasaye omedo joge nyadi mia achiel, donge giduto digibed jotichne? Ang’o momiyo idwaro kwanogi? Gima kamano biro mana miyo jo-Israel doko joketho!”

1 Samuel 17:23

Kane pod owuoyo kodgi, thwon ma nyinge Goliath, ja-Filistia ma ja-Gath, nowuok kuom jolweny mag jo-Filistia, mowacho wechene kaka pile, kendo Daudi nowinje.

1 Samuel 17:26

Daudi nopenjo joma nochung’ bute niya, “Ang’o ma ibiro timo ni ng’at ma nyalo nego ja-Filistia cha, kogolo wichkuot kuom jo-Israel? Ja-Filistia ma ok oter nyanguno en ng’a, ma dothian ni ogend Nyasaye mangima?”

1 Samuel 8:17

Nokaw achiel kuom apar mag jambu, kendo un bende unubed wasumbni mage.