1 Samuel 17:53 - MUMA MALER 2015

⁵³ Kane jo-Israel oduogo koa riembo jo-Filistia, ne giyako kambigi.

Motingʼo Loko Manyien

⁵³ Kane jo-Israel odwogo koa lawo jo-Filistia, ne giyako kargi mar bworo.

1 Samuel 17:53 ပူးပေါင်းရင်းမြစ်များ

2 Samuel 23:10

to en nochung’ kanyo, monego jo-Filistia nyaka bade nojony, mi ligangla nomoko e lwete, kendo Ruoth Nyasaye nomiyogi loch maduong’ chieng’ono. Kane jolweny oduogo ir Eleazar bang’ ringo, koro ne odong’nigi mana dedo joma otho.

Jeremia 30:16

Ji duto matiekou bende notieki, kendo wasiku noter mabor e tuech. Ji duto mathirou bende nothir, kendo joma yakou bende noyaki.

Jeremia 4:20

Masira achiel luwo machielo, kendo piny duto okethi, piyopiyo nono hembena omuki, kendo rageng’ni maggi oyiech matindo tindo.

1 Samuel 17:52

Jo-Israel gi jo-Juda nogiyo sigich lweny, mi giriembo jo-Filistia nyaka Gath kod dhoranga Ekron. Ringre jo-Filistia mane onegi noriere e yo, chakre Shaarim nyaka Gath kod Ekron.

1 Samuel 17:54

Daudi nokwayo wi ja-Filistia cha, motero Jerusalem, to gik ng’atno mag lweny, nokano e hembe.

1 Samuel 19:5

Noyie tho konego ja-Filistia cha, mi Ruoth Nyasaye nokelo konyruok maduong’ ni jo-Israel duto. Nineno mano, kendo nimor. Marang’o koro idwaro timo marach ni Daudi maonge ketho, kinege kayiem nono?”