1 Samuel 17:51 - MUMA MALER 2015

⁵¹ Eka noringo mochung’ kuom ja-Filistiano, kendo nowuodho ligangla ng’atno e olalo, mong’adogo wiye oko. Kane jo-Filistia oneno ni thwon-gi osetho, ne giringo.

Motingʼo Loko Manyien

⁵¹ Daudi noringo mochungʼ kuome. Nokawo ligangla ja-Filistia mowuodho e olalone kane osenege, nongʼado wiye gi ligangla. Kane jo-Filistia oneno ni thuon-gi osetho negilokore mi gichako ngʼwech.

1 Samuel 17:51 ပူးပေါင်းရင်းမြစ်များ

2 Samuel 23:21

Bende en ema nonego ja-Misri marabet. Ja-Misrino ne nigi tong’, to Benaya nodhine gi odunga. Noyudho tong’ e lwet ja-Misrino, monegego.

2 Samuel 4:7

Kane gichopo e ot mane Ishbosheth nindoe, ne gigoye, motho kendo ging’ado wiye oko. Ne gikawo wiye, mi giwuothogo otieno tulu, ka giluwo yo madhi e holo mar aora Jordan.

Jo-Hibrania 11:34

Yie ema ne omiyo giumo dho sibuoche, kendo ginego gero mar mach, bende gitony e lweny. Kata obedo ni ne gin joma nyap, to yie nomiyo gibedo joma rateke, kendo gidoko joma ger e lweny, mi giriembo jolweny mane oa e pinje mamoko.

Jo-Hibrania 2:14

Emomiyo kaka nyithindogo nigi ringruok mar dhano, e kaka Yesu bende nokawo ringruok mar dhano. Notimo kamano mondo, kuom thone, oketh loch jal man gi teko mar tho, tiende ni Satan,

1 Samuel 17:50

Kamano Daudi noloyo ja-Filistia mana gi orujre kod kidi. Nogoye, monege, kata obedo ni ne oonge gi ligangla kamano.

1 Samuel 21:10

Chieng’no Daudi nowuok moringo, kodhi ir Akish ruodh Gath, nikech noluoro Saulo.

1 Samuel 21:9

Jadolo nodwoke niya, “Nitie ligangla mar Goliath ja-Filistia, jal mane inego e holo mar Ela cha. Ero okane e tok law dolo miluongo ni efod, koboye gi nanga. Kidware to kawe, nikech onge moro ka, mak mana en.” Daudi nowacho niya, “Miyago, nikech onge moro maloye gi ber.”

1 Samuel 31:9

Ne ging’ado wiye oko, kendo ne gikawo gige mag lweny. Eka ne gioro joote e piny jo-Filistia duto, mondo oter wach maberno ni nyisechegi kod jopinygi.