1 Samuel 17:32 - MUMA MALER 2015

³² Daudi nowacho ni Saulo niya, “Chuny ji kik nyosre nikech ja-Filistia cha. Abiro dhi kedo kode.”

Motingʼo Loko Manyien

³² Daudi nowachone Saulo niya, “Kik chuny ji nyosre nikech ja-Filistiani; jatichni biro dhi mondo oked kode.”

1 Samuel 17:32 ပူးပေါင်းရင်းမြစ်များ

Zaburi 3:6

Ok aluoro wasigu gana gi gana molwora koni gi koni.

Isaya 35:4

bende nyisuru chuny mool niya, “Beduru motegno, kendo kik ubed maluor. Neuru! Nyasachu biro mondo ochul kuor. Ee, obiro mondo okum wasiku kaka owinjore, kendo oresu.”

Isaya 7:4

‘Nyaka ibed gi kue, ma ok ibedo maluor. Kik iwe mirima mager ma Rezin gi jo Aram kod wuod Remalia nigo, nyos chunyi, nikech gin mana meny ariyo mag mach motimo iro.

Kwan 13:30

To Kaleb nokwayo ji e nyim Musa mondo oling’, kowacho niya, “Wadhiuru piyopiyo mondo wakaw pinyno, nikech wan gi teko mwanyalo kawego.”

Kwan 14:9

To kik uwe Ruoth Nyasaye, bende kik uluor jopinyno, nimar wabiro mwonyogi amwonya. Tipo ma nyocha ogeng’ogi osea, to wan, Ruoth Nyasaye ni kodwa, omiyo kik uluorgi.”

Jo-Hibrania 12:12

Emomiyo jing’uru bedeu mobengore kod chongeu monyosore.

Joshua 14:12

Omiyo koro miya piny gode mane Ruoth Nyasaye osingorena e kinde cha. Chieng’ cha donge niwinjo ni jo-Anak odak kuno, kendo ni gin gi mier madongo kendo mochiel matek mar siro wasigu? To dipo ka Ruoth Nyasaye okonya, mi ariembogi kaka nosesingorena.”

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”

1 Samuel 16:18

Eka achiel kuom jotichne nodwoke niya, “Ang’eyo wuowi moro ma wuod Jesse ja-Bethlehem, molony e goyo thum. En ng’at ma jachir, kendo ma ratego e lweny. Ong’eyo wuoyo, kendo en jaber. Ruoth Nyasaye bende ni kode.”

1 Samuel 17:31

Kane ji owinjo gima Daudi owacho, ne ginyiso Saulo, mi Saulo nooro ng’ato mondo oome.