1 Samuel 17:24 - MUMA MALER 2015

²⁴ Kane jo-Israel oneno jalo, ne giringo giduto, ka luoro omakogi ahinya.

Motingʼo Loko Manyien

²⁴ Kane jo-Israel oneno ngʼatno, to giduto ne giringe ka giluor ahinya.

1 Samuel 17:24 ပူးပေါင်းရင်းမြစ်များ

Isaya 30:17

Ng’at achiel noriemb jou alufu achiel, kendo ji abich kobwogou to unuring uduto mi uke nono, mana ka yien mokelore okelore ewi got.

Isaya 7:2

Kane joka Daudi owinjo ni jo-Aram osewinjore gi jo Efraim, ne gitetni kaachiel gi Ahaz ma ruodhgi, mana ka yien manie bungu ma yamo uko.

Tim jo-Lawi 26:36

Jou modong’ ka ngima e piny wasikgi anago gi kihondko, mi kata mana ka giwinjo ka yamo kwadho it oboke, to giniringi ka joma wasigu lawo, kendo kata obedo ni onge ng’ama lawogi to ginipodh piny,

Kwan 13:33

Kane wagoyo wang’wa kuom jo-Nefili, to ne waneno ka wachalo mana dede, bende mano e kaka ne wachalonigi.” (Jo-Anak gin nyikwa Nefili.)

Rapar mar Chik 32:30

Ere kaka ng’at achiel dilaw ji gana achiel, kata ji ariyo riemb ji gana apar, mak mana ka ok Ruoth Nyasaye ma Lwandagi ema oweyogi, moketogi e lwet wasikgi?

1 Samuel 17:11

Kane Saulo gi jo-Israel duto owinjo weche ja-Filistiano, kibaji nogoyogi, mi gidoko maluor ahinya.

1 Samuel 17:23

Kane pod owuoyo kodgi, thwon ma nyinge Goliath, ja-Filistia ma ja-Gath, nowuok kuom jolweny mag jo-Filistia, mowacho wechene kaka pile, kendo Daudi nowinje.

1 Samuel 17:25

Ne giwacho niya, “Donge uneno jal mabironi? Obiro mana ni mondo othian ni jo-Israel. Ng’at monege, to ruoth nomi mwandu mang’eny, kod nyare okendi. Bende joodgi ok nogol osuru kata tiyo tich achune e Israel.”