1 Samuel 17:11 - MUMA MALER 2015

¹¹ Kane Saulo gi jo-Israel duto owinjo weche ja-Filistiano, kibaji nogoyogi, mi gidoko maluor ahinya.

Motingʼo Loko Manyien

¹¹ Kane Saulo gi jo-Israel owinjo weche ja-Filistia, kibaji nogoyogi mi luoro nomakogi.

1 Samuel 17:11 ပူးပေါင်းရင်းမြစ်များ

Zaburi 118:6

Ruoth Nyasaye ni koda, omiyo ok anabed maluor. Ere gima dhano ditimna?

Zaburi 27:1

Ruoth Nyasaye e lerna kendo e warruokna, omiyo ere ng’ama daluor? Ruoth Nyasaye e kar konyruokna, omiyo ok daluor ng’ato.

Ngeche 28:1

Jaricho ringo kata ka onge ng’ama lawe. Ng’at makare to jachir ka sibuor.

Isaya 57:11

To en ng’a ma iluoro ahinya, ma omiyo iweya, ma ok inyal para, kata mana rwaka e chunyini? Koso idagi luora nikech ne ineno ka aling’ aling’a, mi achalo ng’ama ok oneni?

Rapar mar Chik 31:8

Ruoth Nyasaye owuon biro teloni, kendo nobed kodi. Ok noweyi, bende ok nojwang’i, omiyo kik ibed maluor, kendo kik chunyi nyosre.”

Joshua 1:9

Par kaka asechiki ni mondo ibed gi chir kendo gi jing’o. Kik iluor, kendo kik chunyi nyosre, nikech an Ruoth Nyasaye ma Nyasachi, an kodi kuonde duto midhiye.”

1 Samuel 13:7

Jomoko kuomgi nokadho aora Jordan nyaka piny Gad gi Gilead. Saulo to ne pod odong’ Gilgal, kendo ji duto mane ni kode ne luoro omako.

1 Samuel 17:10

Eka nomedo wacho niya, “Athiano ni jolweny mag Israel ni kawuono keluru ng’ato mondo akedgo.”

1 Samuel 17:12

Daudi ne en wuod ja-Efrath ma Bethlehem-Juda, ma nyinge Jesse, mane nigi yawuowi abiriyo. E ndalo mag Saulo, Jesse nosebedo jaduong’ moti ahinya.

1 Samuel 21:13

Omiyo noloko kite e nyimgi, kowuondore ni ojaneko. Nogwaro yiend dhorangach, kendo noweyo olape ka mol e yie tike.

1 Samuel 7:7

Kane jo-Filistia owinjo ni jo-Israel osechokore kanyakla Mizpa, ruodhigo nodhi mondo oked gi jo-Israel. To kane jo-Israel owinjo ni jo-Filistia biro, luoro nomakogi.