1 Samuel 17:10 - MUMA MALER 2015

¹⁰ Eka nomedo wacho niya, “Athiano ni jolweny mag Israel ni kawuono keluru ng’ato mondo akedgo.”

Motingʼo Loko Manyien

¹⁰ Eka ja-Filistiano nowacho niya, “Kawuononi athiano ne jolweny mag Israel! Miyauru ngʼato mondo wakedgo.”

1 Samuel 17:10 ပူးပေါင်းရင်းမြစ်များ

2 Samuel 21:21

To ka nothiano ni jo-Israel, Jonathan wuod Shimea owadgi Daudi nonege.

2 Samuel 23:9

Ng’at mane luwe ne Eleazar wuod Dodo, ja-Ahohi. Ne en gi Daudi Pas-Damin, kama ne jo-Filistia ochokoree ni lweny. Jo-Israel noringo

2 Ruodhi 19:4

Nyalo bet ni Ruoth Nyasaye ma Nyasachi osewinjo weche Rabshake ma ruodh Asuria oseoro mondo oyany Nyasaye Mangima. Omiyo kamoro obiro kumo Rabshake nikech weche ma osewinjo ka Rabshake wachogo. Kuom mano, in Isaya, lem ni jowa mapod odong’.”

Nehemia 2:19

To kane Sanbalat ja-Horon gi Tobia ja-Amon ma misumba, kod Geshem ja-Arabu owinjo wachno, ne ginyierowa kendo gicharowa, ka gipenjowa ni, “Ang’o mutimoni? Udwaro ng’anyo ni ruoth koso?”

Ngeche 16:18

Sunga kelo masira, kendo ng’ayi miyo ng’ato chwanyore.

Jeremia 9:23

“Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

1 Samuel 17:11

Kane Saulo gi jo-Israel duto owinjo weche ja-Filistiano, kibaji nogoyogi, mi gidoko maluor ahinya.

1 Samuel 17:36

Asenego sibuoche gi ondiegi, omiyo ja-Filistia ma kia Nyasayeno bende biro tho mana ka ondiegigo, nikech othiano ni ogend Nyasaye mangima.”

1 Samuel 17:45

Daudi nodwoko ja-Filistiano niya, “Ibirona gi ligangla gi tong’ abaja kod tong’ dindo, to an abironi mana e nying Ruoth Nyasaye Manyalo Gik Moko Duto ma Nyasach jolweny mag Israel, mithianonigi.