1 Samuel 16:5 - MUMA MALER 2015

⁵ Nodwokogi niya, “Ee, abiro gi kue, ni mondo atim misango ni Ruoth Nyasaye. Pwodhreuru mondo wadhi kar misango.” To Jesse gi yawuote, Samuel owuon ema nopwodho, moluongogi e misango.

Motingʼo Loko Manyien

⁵ Samuel nodwoko niya, “Ee, abiro e yor kwe. Asebiro mondo atim misango ni Jehova Nyasaye. Pwodhreuru mondo ubi e misango koda.” Eka nopwodho Jesse gi yawuote mi noluongogi e timo misangono.

1 Samuel 16:5 ပူးပေါင်းရင်းမြစ်များ

Chakruok 35:2

Omiyo Jakobo nowacho ni joode kod joma nodak kode niya, “Goluru nyiseche mag pinje mamoko ma un go. Pwodhreuru, kendo rwakuru lewni maler.

1 Ruodhi 2:13

To Adonija wuod Hagith nodhi ir Bathsheba min Solomon. Bathsheba nopenje niya, “Ibiro gi kue koso?” Nodwoke ni, “Ee, abiro gi kue.

1 Weche mag Ndalo 12:18

Eka Roho nolor kuom Amasai, jatend thuondi piero adek kande mowacho niya, “Wan kodi Daudi! Wan jogi, wuod Jesse. Wamosi! Wamosi! Wamoso Jakonyni bende! En Nyasachi makonyi.” Eka Daudi norwakogi, moketogi kuom joge mag lweny.

Ayub 1:5

Kane sawo ka sawo oserumo, Ayub ne chiew gokinyi mang’ich, kendo timo misango mondo opwodhgo nyithinde. Ne otimo kamano pile, koparo ni dipo ka achiel kuomgi oketho kuom yanyo Nyasaye gi chunye.

Wuok 19:10

Ruoth Nyasaye nowacho ni Musa niya, “Dhiyo, ipwodh ji kawuono gi kiny kendo inyisgi gilwok lepgi.

Joel 2:16

Chokuru ji kanyakla, mondo giikre ni chokruok maler. Luonguru joma dongo, kendo chokuru nyithindo, koda ka ma pod dhoth. Kata mana joma nyocha okendo machiegni nyaka a e utgi mi bi.

Zefania 1:7

Ling’uru thi e nyim Ruoth Nyasaye, nimar odiechienge chiegni. Ruoth Nyasaye oseloso misango, kendo osepwodho wende.

Kwan 11:8

Ji ne kwanyogi kendo regogi e pong’ lwedo, kata yokogi e pany, eka ne gitedogi e agulu, kendo gilosogo kek. Ka ichame, to ndhathe chalo gi ndhath kek moted gi mo.

1 Jo-Korintho 11:28

Kuom mano ng’ato nyaka nonre mondi, eka ocham makatino kendo omethi e kikombeno,

Joshua 3:5

Joshua nowacho ni ji niya, “Pwodhreuru nikech kiny Ruoth Nyasaye notimnu hono maduong’.”

Joshua 7:13

“A malo! Luong ji duto, kendo chikgi mondo gipwodhre ka giikore ni gima kiny notimre. Nyisgi ni Ruoth Nyasaye ma Nyasach Israel owacho ni gisekawo gik mokwer, omiyo kapok gigolo gigo kuomgi, to ok ginyal siro wasikgi.

1 Samuel 20:26

Saulo ne ok owacho gimoro chieng’ono, nikech noparo ni Daudi ok obiro nikech gimoro ogeng’one. Kamoro en gi chola, to pok ogude.