1 Samuel 16:4 - MUMA MALER 2015

⁴ Kuom mano Samuel nodhi Bethlehem kaka Ruoth Nyasaye nowachone. Jodong dala nobiro romone ka kirni, mi gipenje niya, “Ibiro gi kue koso?”

Motingʼo Loko Manyien

⁴ Samuel notimo gima Jehova Nyasaye nowacho. Kane ochopo Bethlehem, to jodong dala ne luoro omako kane giromo kode. Negipenje niya, “Bende ibiro e yor kwe?”

1 Samuel 16:4 ပူးပေါင်းရင်းမြစ်များ

Chakruok 35:19

Kamano Rahel notho, moyike but yo madhi Efrath, ma tinde iluongo ni Bethlehem.

Chakruok 48:7

“Kane aduogo aa Mesopotamia, nabwok malich ka ne Rahel meru othona e piny Kanaan ka pok wachopo Efrath. Ne ayike kuno but yo madhi Efrath” (Efrath iluongo bende ni Bethlehem.)

2 Samuel 6:9

Daudi noluoro Ruoth Nyasaye chieng’no, mowacho niya, “Kara Sanduk mar Ruoth Nyasaye ok onego bed e dalana.”

1 Ruodhi 17:18

Dhakono nopenjo Elija niya, “Yaye ng’at Nyasaye, in gang’o koda? Bironi osefwenyo richona koso, ma omiyo wuoda otho?”

1 Ruodhi 2:13

To Adonija wuod Hagith nodhi ir Bathsheba min Solomon. Bathsheba nopenje niya, “Ibiro gi kue koso?” Nodwoke ni, “Ee, abiro gi kue.

2 Ruodhi 9:22

Kane Joram oneno Jehu, nopenje niya, “Ere kaka wach nyalo bet maber, ka meru Jezebel pod dhi nyime gi timbene mag ndhogruok gi mag jwok?”

Hosea 11:10

Abiro ruto ni wasik jo-Israel ka sibuor, mi joga biro biro ira. Gibiro ringo ira ka gia yo podho chieng’.

Hosea 6:5

Kuom mano, aseoro jonabi maga iru mondo osiemu ni ibiro kumou kendo tiekou. Gima adwaro ni mondo un joga utim, en gima ratiro kendo maler,

Luka 2:4

Kuom mano Josef bende nowuok oa Nazareth e piny Galili, modhi piny Judea e dala miluongo ni Bethlehem, kuma ne onywolie ruoth Daudi. Nodhi kuno nikech ne en nyakwar Daudi,

Luka 5:8

Kane Simon oneno kamano, ne ogoyo chonge piny e nyim Yesu, mowachone niya, “Yie iweya Ruoth nikech an ng’at ma jaricho!”

Luka 8:37

Bang’ mano, ji duto mane odak e piny jo-Gerasi nokwayo Yesu mondo oa e pinygi, nikech ne giluor ahinya. Kuom mano Yesu nodonjo e yie mondo oa.

1 Samuel 21:1

Daudi nodhi Nob ir Ahimelek jadolo. Ahimelek nodhi romone ka kirni, mopenje niya, “Ibiro kendi nang’o, ma onge ng’at ma un go?”