1 Samuel 16:19 - MUMA MALER 2015

¹⁹ Kuom mano, Saulo nooro joote ir Jesse, kowacho niya, “Orna Daudi wuodi, ma jakwadh rombe.”

Motingʼo Loko Manyien

¹⁹ Eka Saulo nooro joote ir Jesse kawacho niya, “Orna wuodi Daudi makwayo rombe.”

1 Samuel 16:19 ပူးပေါင်းရင်းမြစ်များ

1 Ruodhi 19:19

Elija nowuok kanyo, modhi oyudo Elisha wuod Shafat ka puro. Ji ne puro gi dhok piero ariyo gang’wen; dhok ariyo ne ywayo kwer achiel, to Elisha ema ne puro gi dhok ariyo mogik. Elija nochopo bute, mobolo kuome lawe mar abola.

Zaburi 113:8

kendo oketogi gibet gi ruodhi mag joge.

Amos 1:1

Magi e weche Amos, mane achiel kuom jokwath ma nodak Tekoa. Nyasaye nofwenyone wechegi higni ariyo ka pok yiengni piny obetie, ka Uzia e ruodh Juda, to Jeroboam wuod Joash e ruodh Israel.

1 Samuel 16:11

Eka nopenjo Jesse niya, “Magi e kar romb yawuoti duto koso?” Nodwoke ni, “Ooyo, pod odong’ machogo. En to okwayo rombe.” Samuel nowacho ni Jesse niya, “Or ng’ato oluonge, nikech ok wanyal bet piny kapok obiro.”

1 Samuel 16:18

Eka achiel kuom jotichne nodwoke niya, “Ang’eyo wuowi moro ma wuod Jesse ja-Bethlehem, molony e goyo thum. En ng’at ma jachir, kendo ma ratego e lweny. Ong’eyo wuoyo, kendo en jaber. Ruoth Nyasaye bende ni kode.”

1 Samuel 16:20

Omiyo Jesse nokawo makati apar, gi ndede mar divai, kod nyadiel, moorogo Daudi wuode mondo oter ni Saulo.

1 Samuel 17:15

to Daudi ne tiyo ni Saulo ndalo moko, to ndalo moko nodok Bethlehem, kwayo jamb wuon mare.