1 Samuel 16:18 - MUMA MALER 2015

¹⁸ Eka achiel kuom jotichne nodwoke niya, “Ang’eyo wuowi moro ma wuod Jesse ja-Bethlehem, molony e goyo thum. En ng’at ma jachir, kendo ma ratego e lweny. Ong’eyo wuoyo, kendo en jaber. Ruoth Nyasaye bende ni kode.”

Motingʼo Loko Manyien

¹⁸ Achiel kuom jotich nodwoko niya, “Aseneno wuod Jesse moro ma ja-Bethlehem mongʼeyo goyo nyatiti. En ngʼat ma jachir bende en jalweny. Owuoyo maber kendo en jaber. To bende Jehova Nyasaye ni kode.”

1 Samuel 16:18 ပူးပေါင်းရင်းမြစ်များ

Chakruok 39:2

To Ruoth Nyasaye ne ni kod Josef, mi noguedhe e yorene duto. Nodak e od ruodhe ma ja-Misrino.

Chakruok 39:23

Jaduong’ od twech ne ok odewo rango gigo duto mane oseketo e lwet Josef, nimar Ruoth Nyasaye ne ni kod Josef kendo noguedhe e gik moko duto mane otimo.

2 Samuel 14:20

Notimo kamano ni mondo gik mosetimore olokre. To ruoth, in gi rieko machalo mar malaika mar Nyasaye ming’eyogo gik moko duto matimore e piny.”

2 Samuel 17:10

Mi kata ng’at ma jachir, kendo mager ka sibuor, nokirni, nikech jo-Israel duto ong’eyo ni wuoru en thwon, kendo joma ni kode jochir.

2 Samuel 17:8

Ing’eyo ni wuoru gi joge gin joma rateke, kendo koro giger mana ka ondiek moma nyithinde. To bende wuoru en jalweny mariek; Ang’ nonind mana kar kende, mopogore gi joge.

Ngeche 12:8

Ng’at mariek yudo pak. Ng’at maonge rieko to inyiero anyiera.

Mathayo 1:23

“Nyako nomak ich, mi nonywol wuowi, kendo nochake ni Emanuel, tiende ni, Nyasaye ni kodwa.”

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

1 Samuel 10:7

Ka ranyisigo otimoreni, to tim gima ineno ni ber, nikech Nyasaye ni kodi.

1 Samuel 16:12

Mi nooro ng’ato mokele e nyimgi. Ne en wuowi ma silwal, kendo man gi chia. Eka Ruoth Nyasaye nowacho ni Samuel niya, “Chungi, iwire gi mo, nikech jali e en.”

1 Samuel 16:17

Omiyo Saulo nowacho ni jotichne niya, “Ara dwarnauru jagocho molony.”

1 Samuel 16:19

Kuom mano, Saulo nooro joote ir Jesse, kowacho niya, “Orna Daudi wuodi, ma jakwadh rombe.”

1 Samuel 17:12

Daudi ne en wuod ja-Efrath ma Bethlehem-Juda, ma nyinge Jesse, mane nigi yawuowi abiriyo. E ndalo mag Saulo, Jesse nosebedo jaduong’ moti ahinya.

1 Samuel 3:19

Kane Samuel dongo, Ruoth Nyasaye ne ni kode, kendo weche duto mane okoro, Ruoth Nyasaye ne ochopo kare.