1 Samuel 16:14 - MUMA MALER 2015

¹⁴ To Roho mar Ruoth Nyasaye noseweyo Saulo, kendo muya marach moa kuom Ruoth Nyasaye ne chande.

Motingʼo Loko Manyien

¹⁴ Roho mar Jehova Nyasaye noseweyo Saulo kendo Jehova Nyasaye nochiwo thuolo mondo roho marach othage.

1 Samuel 16:14 ပူးပေါင်းရင်းမြစ်များ

2 Samuel 7:15

to ok nagol herana kuome, kaka nagolo kuom Saulo, ma nariembo mondo oweni thuolo.

1 Ruodhi 22:19

Mikaya nowacho niya, “Koro winj wach Ruoth Nyasaye. Naneno Ruoth Nyasaye kobet e kom duong’ne, kendo ka oganda polo ochung’ e bathe koni gi koni.

1 Ruodhi 22:22

Ruoth Nyasaye nopenje niya, ‘Ere kaka ibiro hoye?’ Nodwoke niya, ‘Abiro dhi bet roho mar miriambo e dho jonabini duto.’ Ruoth Nyasaye noyie ni, ‘Ee, in ema ibiro hoye, kendo iniloye. Dhiyo itim kamano.’

Zaburi 51:11

Kik iriemba e wang’i, bende kik imaya Roho mari maler.

Hosea 9:12

To kata kapo ni ginywolo nyithindo, to anami nyithindgigo tho duto mak aweyo kata achiel ka ngima. Ka ajwang’o jogi, to giniyud masira malich.

Jong’ad Bura 16:20

Eka delila nokok niya, “Samson, jo-Filistia osebiro monji!” Mi Samson nochiew, ka paro ni obiro guecho kendo wuok kaka pile. To ne ok ong’eyo ni Ruoth Nyasaye oseweye.

Jong’ad Bura 16:29

Eka nomako sirni ariyo madiere mosiro ot, mi nonyono piny matek, ka lwete ma korachwich ni kuom siro achiel, to ma koracham kuom siro machielo.

Jong’ad Bura 9:23

Bang’e Nyasaye nomiyo jo-Shekem odhaw kode, mi ging’anyone.

1 Samuel 11:6

Kane Saulo owinjo wachno, Much Nyasaye nobiro kuome gi teko, kendo mirima nomake ahinya.

1 Samuel 16:15

Jatich Saulo nokone niya, “Ruoth, ineno kaka muya marach moa kuom Nyasaye chandi.

1 Samuel 16:16

Dak ior jotichni odhi odwarni ng’at mong’eyo goyo thum, mondo ogo thum e kinde ma muya marachno chandie, eka iyud kue?”

1 Samuel 16:23

Omiyo kinde mane muya marach moa kuom Nyasaye chandoe Saulo, to Daudi ne goyo thum. Kamano chuny Saulo ne duogo, moyud kue, kendo muya marach ne weye.

1 Samuel 18:10

Kinyne muya marach moa kuom Nyasaye nobiro gi teko kuom Saulo, mi nodhumore e ode, kendo Daudi nogoyone thum, kaka nojatimo. To Saulo ne nigi tong’ e lwete,

1 Samuel 18:12

Noyudo ka Ruoth Nyasaye oseweyo Saulo, to koro ni kod Daudi, emomiyo Saulo noluoro Daudi.

1 Samuel 28:15

Samuel nopenjo Saulo niya, “Marang’o ichanda, kimiyo awuok oko e liel?” Saulo nodwoke niya,, “Adhier nono, nikech jo-Filistia kedo koda, to Nyasaye oseweya, ma dwok moro ok odwoka, kata gi dho jonabi, kata gi yor lek. Emomiyo aluongi ni mondo inyisa gima onego atim.”