1 Samuel 16:13 - MUMA MALER 2015

¹³ Omiyo Samuel nokawo mo, mowirogo Daudi e nyim owetene, mi Roho mar Nyasaye nobiro kuom Daudi gi teko, mobedo kode chakre chieng’no. Bang’e Samuel nowuok, modok Rama.

Motingʼo Loko Manyien

¹³ Omiyo Samuel nokawo tungʼne mar mo mine owire e nyim owetene kendo kochakore chiengʼno Roho mar Jehova Nyasaye nobiro kuom Daudi gi teko. Bangʼe Samuel to nodok Rama.

1 Samuel 16:13 ပူးပေါင်းရင်းမြစ်များ

2 Samuel 12:7

Eka Nathan nowacho ni Daudi niya, “In e ng’atno! Ruoth Nyasaye ma Nyasach Israel owacho kama: ‘Ne ayieri mondo ibed ruodh Israel, kendo naresi e lwet Saulo.

2 Samuel 2:4

Jo-Juda nobiro, mowiro Daudi gi mo, ka gikete ruodh dhood Juda. Kane onyis Daudi ni jo-Jabesh-gilead ema noyiko Saulo,

2 Samuel 23:1

Koro magi e weche mogik mag Daudi wuod Jesse, ng’at momi duong’. Adier, Ruoth mowir mane Nyasach Jakobo oyiero, kendo mane jachuog wende mamit e Israel, nowacho kama:

2 Samuel 5:3

Jodong Israel duto nobiro Hebron ir Daudi, kendo ne gitimo kode singruok kuno e nyim Ruoth Nyasaye, mi giwire gi mo mondo obed ruodh jo-Israel.

2 Ruodhi 9:6

Mi Jehu noa malo, modonjo e ot. Eka janabino noolo mo e wiye, kawachone ni Ruoth Nyasaye ma Nyasach Israel owacho niya, “Aseyieri mondo ibed ruodh Israel.

1 Weche mag Ndalo 11:3

Kuom mano, jodong Israel duto nobiro Hebron ir ruoth Daudi, kendo Daudi notimo kodgi singruok kuno e nyim Ruoth Nyasaye, mi ne giwire gi mo mondo obed ruodh Israel, kaluwore gi wach mane Ruoth Nyasaye omiyo Samuel owacho.

Zaburi 89:20

Aseyiero Daudi jatichna, mi awire gi mo ka akete ruoth.

Zaburi 89:21

Abiro bedo kode kinde duto mondo akonye, kendo tekona biro miyo obedo motegno.

Kwan 11:17

Abiro lor mondo awuo kodi, kendo abiro kawo kuomi teko moko mane amiyi, mondo ami jogo okonyi rito oganda, mi ting’no ok noturi.

Kwan 27:18

Ruoth Nyasaye nodwoko Musa niya, “Kaw Joshua wuod Nun, ng’at ma teko ni kuome, mondo iket lweti kuome,

Johana 3:34

Jal mane Nyasaye ooro wacho mana weche Nyasaye, nimar Nyasaye chiwo Roho mogundho, ma ok ong’wonyo lwete.

Tich Joote 13:22

Eka Nyasaye nogole, moketonigi Daudi ruoth. En ema Nyasaye nowuoyo kuome niya, ‘Aseyudo ni Daudi wuod Jesse e ng’at ma chunye chal gi mara, kendo ema notim gik moko duto ma adwaro.’

Jo-Hibrania 1:9

Ihero timbe makare, to imon gi timbe maricho. A Nyasaye, mano emomiyo Nyasachi oseyieri ruoth, mowiri gi mo, komiyi mor mang’eny moloyo mor mosemiyo jowadu.”

Jo-Hibrania 11:32

To an dachak awach ang’o? Thuolo ditama mar wuoyonu kuom Gidion gi Barak gi Samson gi Jeftha gi Daudi gi Samwel kod jonabi.

Jong’ad Bura 11:29

Much Ruoth Nyasaye nobiro kuom Jeftha, mi nowuotho e Gilead gi Manase, moduogo nyaka Mizpa e Gilead. Koa kanyo nodhi mondo omonj jo-Amon.

Jong’ad Bura 13:25

kendo Roho mar Ruoth Nyasaye nochako tiyo kode.

Jong’ad Bura 14:6

To much Ruoth Nyasaye nolor kuom Samson ka diemo wang’ mi noyiecho sibuor gi lwete, mokidho matindotindo, mana ka ng’ama yiecho nyadiel, nikech ne en gi lwete nono. To ne ok onyiso jonywolne gima nosetimono.

Jong’ad Bura 3:10

Much Ruoth Nyasaye nobiro kuome, mi nobedo jatend jo-Israel. Nodhi kedo gi Kushan-rishathaim ma ruodh Mesopotamia, mi noloyo, nikech Ruoth Nyasaye nochiwo ruodhno e lwete.

1 Samuel 1:19

Ne gichiew gokinyi mang’ich, kendo kane giselemo e nyim Ruoth Nyasaye, ne gidok dalagi Rama. Elkana noriwore gi chiege ma Hana, mi Ruoth Nyasaye noparo Hana.

1 Samuel 10:1

Samuel nokawo tung’ mar mo, moolo ewi Saulo. Nonyodhe, mowachone niya, “Ruoth Nyasaye osewiri gi mo mondo ibed ruodh joge Israel. Initel ni jo-Ruoth Nyasaye, kendo iniresgi e lwet wasikgi molworogi. To gima biro bedoni ranyisi ni Ruoth Nyasaye oseyieri mondo ibed ruodh joge ema:

1 Samuel 10:6

Much Ruoth Nyasaye nobi kuomi gi teko, mi inidhumri kaachiel kodgi, kendo inilokri ng’at moro machielo.

1 Samuel 11:6

Kane Saulo owinjo wachno, Much Nyasaye nobiro kuome gi teko, kendo mirima nomake ahinya.

1 Samuel 16:18

Eka achiel kuom jotichne nodwoke niya, “Ang’eyo wuowi moro ma wuod Jesse ja-Bethlehem, molony e goyo thum. En ng’at ma jachir, kendo ma ratego e lweny. Ong’eyo wuoyo, kendo en jaber. Ruoth Nyasaye bende ni kode.”

1 Samuel 18:12

Noyudo ka Ruoth Nyasaye oseweyo Saulo, to koro ni kod Daudi, emomiyo Saulo noluoro Daudi.

1 Samuel 2:35

Mi anaket jadolona awuon, ng’at ma jaadiera, ma notim duto manie chunya gi parona. Anagur dhoode mondo nyikwaye oti nyaka chieng’ ni Ruoth mayiero mowir.