1 Samuel 16:12 - MUMA MALER 2015

¹² Mi nooro ng’ato mokele e nyimgi. Ne en wuowi ma silwal, kendo man gi chia. Eka Ruoth Nyasaye nowacho ni Samuel niya, “Chungi, iwire gi mo, nikech jali e en.”

Motingʼo Loko Manyien

¹² Ne ooro jaote mine okele. Ne en silwal man-gi ngima maber, ne dende nenore maber kendo ne en jachia. Eka Jehova Nyasaye nowacho niya, “Chungi iwire gi mo; nikech ngʼatni e en.”

1 Samuel 16:12 ပူးပေါင်းရင်းမြစ်များ

Chakruok 39:6

Potifar noketo gik moko duto e lwet Josef, kendo ne ok odewo rango gimoro kata achiel mak mana chiemo mochamo. Josef na nigi chia, kendo ne ojaber.

2 Samuel 23:1

Koro magi e weche mogik mag Daudi wuod Jesse, ng’at momi duong’. Adier, Ruoth mowir mane Nyasach Jakobo oyiero, kendo mane jachuog wende mamit e Israel, nowacho kama:

2 Samuel 7:8

Bende nyis Daudi ni Ruoth Nyasaye Manyalo Gik Moko duto owacho kama: ‘Ne agoli e lek, kuma nikwayoe rombe, mondo ibed jatend joga Israel.

1 Ruodhi 1:34

kama Zadok jadolo gi Nathan janabi biro wiree gi mo, mondo obed ruodh Israel. Bang’e ugo tung’, kendo ukog niya, ‘Ruoth Solomon mondo odag aming’a!’

Zaburi 2:2

Ruodhi mag piny gi jotelo hodho wach mondo opiem gi Ruoth Nyasaye kod ruoth moyiero.

Zaburi 2:6

Owacho niya, “Ruoth ma ayiero aseketo ewi Sayun, goda maler.”

Zaburi 78:70

Nyasaye noyiero Daudi jatichne,

Wuok 2:2

mi chiegeno nomako ich, monywolo nyathi ma wuowi. Ka noneno ni en nyathi ma jaber, nopande kuom dueche adek.

Wer Mamit 5:10

“Jaherana jaber kendo ratego. En ema onenore kata kuom ji gana apar.

Ywagruok 4:7

Jodong joga yande nigi ngima maber. Dendgi yande pichni kendo leny ka mo,

Zekaria 4:14

Bang’e nowachona niya, “Mago gin ji ariyo mowal ni tij Ruodh piny ngima.”

Tich Joote 4:27

“Chutho, Herode gi Pontio Pilato nochokore Jerusalem kod ogendini mamoko kaachiel gi jo-Israel, ka gipiem gi Yesu Jatichni Maler mane iyiero obedo Mesia.

Tich Joote 7:20

E ndalogo ema nonywolie Musa, mane nyathi ma jaber ahinya. Ne opidhe e odgi kuom dueche adek,

Jo-Hibrania 11:23

Yie ema ne omiyo, kane onywol Musa to jonywolne nopande kuom dueye adek, nikech ne gineno ka en nyathi man gi chia. Mano omiyo ne gibedo gi chir, mi giketho chik ruodh Misri.

1 Samuel 16:18

Eka achiel kuom jotichne nodwoke niya, “Ang’eyo wuowi moro ma wuod Jesse ja-Bethlehem, molony e goyo thum. En ng’at ma jachir, kendo ma ratego e lweny. Ong’eyo wuoyo, kendo en jaber. Ruoth Nyasaye bende ni kode.”

1 Samuel 17:42

Kane oneno Daudi, nojare, nikech ne en mana wuowi moa, ma silwal, kendo ma jaber.

1 Samuel 17:55

Kane Saulo oneno Daudi kadhi kedo gi ja-Filistia, nopenjo Abner jatend jolweny niya, “Abner, wuowino en wuod ng’a?” Abner nodwoke ni, “Ruoth, ok ang’eye ngang’.”

1 Samuel 9:17

Mano emomiyo kane Samuel oneno Saulo, Ruoth Nyasaye nonyise niya, “Ma e jal ma nyoro awachoni. En ema norit joga.”