1 Samuel 16:11 - MUMA MALER 2015

¹¹ Eka nopenjo Jesse niya, “Magi e kar romb yawuoti duto koso?” Nodwoke ni, “Ooyo, pod odong’ machogo. En to okwayo rombe.” Samuel nowacho ni Jesse niya, “Or ng’ato oluonge, nikech ok wanyal bet piny kapok obiro.”

Motingʼo Loko Manyien

¹¹ Omiyo nopenjo Jesse niya, “Magi kende e yawuoti?” Jesse nodwoko niya, “Pod nitiere wuowi ma chogo, en to okwayo rombe.” Samuel nowachone niya, “Or ngʼato mondo oome, nikech ok wabi bet piny ka kapok ochopo.”

1 Samuel 16:11 ပူးပေါင်းရင်းမြစ်များ

2 Samuel 13:3

To Amnon ne nigi osiepne moro ma rieke ng’eny ahinya, ma nyinge Jonadab, wuod Shimea owadgi Daudi.

2 Samuel 7:8

Bende nyis Daudi ni Ruoth Nyasaye Manyalo Gik Moko duto owacho kama: ‘Ne agoli e lek, kuma nikwayoe rombe, mondo ibed jatend joga Israel.

1 Weche mag Ndalo 17:7

Bende inyis Daudi ni Ruoth Nyasaye Manyalo Gik Moko Duto owacho kama: ‘Nagoloi e lek kuma nikwayoe rombe, mondo ibed jatend joga Israel.

Wuok 3:1

Chieng’ moro Musa ne kwayo jamb Jethro jaduong’ne, ma jadolo mar Midian. Nong’ado thim gi jamni nyaka Horeb god Nyasaye.

1 Samuel 16:10

Kamano Jesse nomiyo yawuote abiriyo okadho e nyim Samuel, to Samuel nowacho ni, “Ruoth Nyasaye ok oyiero moro kuom jogi.”

1 Samuel 17:28

To kane Eliab, owadgi Daudi maduong’, owinjo Daudi ka wuoyo gi jogo, mirima nomake kode, mopenje niya, “Ang’o mokeli ka? Koso ng’ama iweyo ka ritoni rombe manok kande e thim? Ang’eyo sing’ayini, kod richo manie chunyi. Isebiro mana ni mondo ine lweny!”