1 Samuel 15:8 - MUMA MALER 2015

⁸ Agag, ruodh jo-Amalek, ema nomako kangima, to jomoko duto nonego pep.

Motingʼo Loko Manyien

⁸ Nomako Agag ruoth jo-Amalek kangima to joge duto to nonego gi ligangla pep.

1 Samuel 15:8 ပူးပေါင်းရင်းမြစ်များ

2 Samuel 8:12

kuom jo Edom gi jo-Moab gi jo-Amon gi jo-Filistia kod jo-Amalek, ma noseloyo. Gik moko ma noyako kuom Hadedazer wuod Rehob, ma ruodh Zoba, bende nochiwo ni Ruoth Nyasaye.

1 Ruodhi 20:30

Joma nodong’ noringo modonjo e dala Afek, to ohinga mar dala nopodho, monego ji alufu piero ariyo gabiriyo kuomgi. Ben-hadad bende noringo, modonjo e dalano, kendo nopondo ei ot moro maiye.

1 Weche mag Ndalo 4:43

Ne ginego jo-Amalek modong’ kendo pod gidak kuno nyaka chil kawuono.

Tim jo-Lawi 27:29

Ng’ato ang’ata mowe ni Ruoth Nyasaye chuth ok nowar, to nyaka nege anega.

Kwan 24:7

Pi mae dapigeu biro bubni oko, kendo kothu nochal gi nembe madongo, mondo ruodhu obed maduong’ moloyo Agag, kendo lochne oyud duong’.

Joshua 10:39

Ne gikawe kaachiel gi ruodhe kod mier matindo mokiewo kode, mi ne ginego ji duto kod gimoro amora mangima mane ni kuno. Ne ok giweyo ng’ato otony kata achiel. Ne gitimo ni Debir gi ruodhe mana kaka ne gitimo ni Hebron kod Libna gi ruodhi maggi.

Joshua 11:12

Kamano Joshua nomako ruodhigo monego, kendo noketho miechgi. Nonego ji duto ma nodak e miego, kendo noketho gik moko duto, kaka Musa jatich Ruoth Nyasaye nosechiko.

Joshua 8:23

mak mana ruodh Ai ema ne gimako kangima, mi gitero ir Joshua.

1 Samuel 15:20

Saulo nodwoko Samwel niya, “Ooyo, asewinjo dwond Ruoth Nyasaye, kendo asetiyo tich mane Ruoth Nyasaye oorae. Asekelo Agag ruodh Amalek, kendo asetieko jo-Amalek chuth.

1 Samuel 15:3

Koro dhiyo iked gi jo-Amalek, kendo iketh mwandugi duto chuth. Kik iwegi, to ineggi duto, chwo gi mon, rawere gi nyithindo madhoth, gi dhok gi rombe, kod ngamia gi kenje.’ ”

1 Samuel 22:19

Bende Doeg nomonjo Nob, dala jodolo, monego chwo gi mon, kod rawere gi nyithindo madhoth, kod dhok gi kenje gi rombe.

1 Samuel 30:1

Chieng’ mar adek, Daudi gi joge nochopo Ziklag. To jo-Amalek noyudo ka osemonjo yo milambo mar Juda, kendo gisewang’o Ziklag mi giketho.