1 Samuel 15:24 - MUMA MALER 2015

²⁴ Saulo nowacho ni Samuel niya, “Aseketho, kaweyo luwo chik Ruoth Nyasaye kod wechene bende, nimar naluoro ji, kendo nawinjo dwondgi.

Motingʼo Loko Manyien

²⁴ Eka Saulo nowachone Samuel niya. “Asetimo richo. Asetamora luwo chik Jehova Nyasaye kod wecheni bende. Ne aluoro ji kendo ne atimo dwarogi.

1 Samuel 15:24 ပူးပေါင်းရင်းမြစ်များ

Chakruok 3:12

To Adam nodwoke niya, “Dhako mane imiya mondo okonya, ema nomiya olemo mondo acham, mi nachamo.”

Chakruok 3:17

Eka Nyasaye nowacho ni Adam niya, “Okuong’ lowo nikech in, nimar niwinjo gima chiegi nowachoni, michamo olemo mane akweri ni kik icham. Koro inibed kitiyo matek, kuom ngimani duto, mondo lowo onyagni chiemo.

2 Samuel 12:13

Daudi nowacho ni Nathan niya, “Aseketho e nyim Ruoth Nyasaye.” Eka Nathan nomedo wachone niya, “Ruoth Nyasaye bende oseweyoni richoni; koro ok nitho.

Ayub 31:34

Ok aseluoro gima ji biro wacho, omiyo ok aseling’ kata siko ei ot ka aluoro achaya margi.

Zaburi 51:4

In kendi ema asekethoni, ka atimo gik ma ok ler e nyimi. Kuom mano, ayie ni in kare kiyala, kendo ka ing’adona bura.

Wuok 10:16

Farao noluongo Musa gi Harun, mowachonigi niya, “Aseketho ni Ruoth Nyasaye ma Nyasachu, kendo ni un bende.

Wuok 23:2

Kik itim gimoro marach mana nikech iluoro koma ji ng’enyie, kata kik iketh bura mana nikech idwaro chwako koma ji ng’enyie.

Wuok 9:27

Farao noluongo Musa gi Harun, mowachonigi niya, “Koro aseketho. Ruoth Nyasaye e man kare, to an, kaachiel gi joga, ema wasetimo marach,

Ngeche 29:25

En gima rach luoro gima ji paro kuomi, to ber geno mana kuom Ruoth Nyasaye.

Jeremia 38:5

Mano omiyo ruoth Zedekia nowacho niya, “Onge wach! Kara timneuru gima uneno ni ber. Ok anyal tamou.”

Kwan 22:34

Balaam nowacho ni malaika mar Ruoth Nyasaye niya, “Aseketho. Ne ok ang’eyo ni ichung’ e nyima e yo mondo igeng’na. To koro ka wuodhani ok berni, to ayie dok dala.”

Mathayo 27:4

kowachonigi niya, “Asetimo richo kuom ndhogo remo ma onge ketho.” To ne gidwoke ni, “Mano obadho mana in! Ok en wachwa.”

Jo-Galatia 1:10

Koso uparo ni mano nenore ka gima adwaro ni mondo abed malong’o e nyim dhano? Ooyo, adwaro bedo malong’o e nyim Nyasaye! Koso uparo ni adwaro mondo dhano ema obed mamor koda? To ka da bed ni pod atemo timo kamano, to da ok abedo jatich Kristo.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”

1 Samuel 15:15

Nodwoke niya, “Gin rombe gi dhok mabeyo mag jo-Amalek, mane ji oweyo mak onego, mondo gitimgo misango ni Ruoth Nyasaye ma Nyasachi. To moko duto wasenego pep.”

1 Samuel 15:30

Eka Saulo nowacho niya, “Aseketho, to kata kamano, asayi, miya duong’ kawuono e nyim jodong joga, kendo e nyim jo-Isarel. Wichri wadog kodi, mondo alam Ruoth Nyasaye ma Nyasachi.”

1 Samuel 15:9

Saulo gi joge noweyo Agag kangima, to bende ne ok giketho rombe gi dhok machwe gi nyirombe kod gik moko mabeyo. To gik moko maricho, ma onge ohala, ema ne giketho chuth.

1 Samuel 2:29

Ang’o momiyo koro uchayo misengni maga gi mich masechiko? Imiyo yawuoti duong’ moloyo an awuon, kiweyo gichamo lemo mabeyo mag mich ma joga Israel kelo, mi gidoko machwe.

1 Samuel 26:21

Eka Saulo nowacho niya, “Aseketho. Duogi, Daudi wuoda. Ok nachak atimni gima dihinyi, nikech nende iluoro ngimana. Awuoro, asefuwo, kendo alal marach.”