1 Samuel 15:15 - MUMA MALER 2015

¹⁵ Nodwoke niya, “Gin rombe gi dhok mabeyo mag jo-Amalek, mane ji oweyo mak onego, mondo gitimgo misango ni Ruoth Nyasaye ma Nyasachi. To moko duto wasenego pep.”

Motingʼo Loko Manyien

¹⁵ Saulo nodwoko niya, “Jolweny nokelogi koa kuom jo-Amalek; negiweyo rombe kod dhok mabeyo mondo gitimgo misango ni Jehova Nyasaye ma Nyasachi, to modongʼ wanego pep.”

1 Samuel 15:15 ပူးပေါင်းရင်းမြစ်များ

Ayub 31:33

Ji moko temo pando richogi, an to pok apando maga.

Ngeche 28:13

Ng’at ma temo pando richone ok nyal dhi maber, to ng’ama hulo richone kendo weyo ema Nyasaye kecho.

Mathayo 2:8

Eka ne oorogi Bethlehem, konyisogi niya, “Dhiuru umany nyathino matek, to ka usenwang’e, to duogna uru wach, mondo an bende adhi amiye duong’.”

Luka 10:29

To kaka ng’atno ne dwaro nyiso ni penjone riek, nomedo penjo Yesu ni, “Wadwa to en ng’a?”

1 Samuel 15:16

Eka Samuel nowacho ni Saulo niya, “Ter mos, mondo anyisi gima Ruoth Nyasaye nende owachona gotienoni.” Saulo nodwoke ni, “Wachna.”

1 Samuel 15:21

To ji ema nokawo rombe gi dhok mabeyo kuom mwandu mowe ni mondo okethi, mana ni mondo gitimgo misango ni Ruoth Nyasaye ma Nyasachi, Gilgal.”

1 Samuel 15:9

Saulo gi joge noweyo Agag kangima, to bende ne ok giketho rombe gi dhok machwe gi nyirombe kod gik moko mabeyo. To gik moko maricho, ma onge ohala, ema ne giketho chuth.