1 Samuel 15:11 - MUMA MALER 2015

¹¹ “Chunya olokore kuom keto Saulo ruoth, nimar osedok chien ma ok oluwa, kendo ok osetimo gima nachike.” Mirima nomako Samuel, moywak ni Ruoth Nyasaye otienono duto.

Motingʼo Loko Manyien

¹¹ “Akuyo nikech ne aketo Saulo obedo ruoth, nikech oseweyo luwa, kendo ok otimo kaka ne achike.” Samuel nochandore kendo noywak ne Jehova Nyasaye otieno mangima.

1 Samuel 15:11 ပူးပေါင်းရင်းမြစ်များ

Chakruok 6:6

noparo ni kara ne ok owinjore ochue dhano, kendo kete e piny. Omiyo chunye nodoko malit ahinya,

Chakruok 6:7

mowacho niya, “Abiro nego ji duto ma asechueyo kamoro amora ma gintie, kaachiel gi le kod winy bende, nikech daber ka dine ok achueyogi.”

2 Samuel 24:16

To kane malaika orieyo bade kochiko Jerusalem mondo oketh dalano, Ruoth Nyasaye noloko parone kuom masira ma nodwaro timo mowacho ni malaika mane nego ji niya, “Oromo! Koro dwok lweti.” To noyudo ka malaika mar Ruoth Nyasaye obet but kar dino mar Arauna ja-Jebus.

1 Ruodhi 11:9

Koro Ruoth Nyasaye nokecho gi Solomon, nikech chunye nosea kuom Ruoth Nyasaye ma Nyasach Israel mane ofwenyorene diriyo,

1 Weche mag Ndalo 10:13

Kamano Saulo notho nikech noweyo Ruoth Nyasaye. Ne ok orito chik Ruoth Nyasaye, kendo kar penjo Ruoth Nyasaye wach, to nodhi mana ir jonyakalondo mondo onyise wach.

1 Weche mag Ndalo 21:15

Nyasaye nooro malaika mondo oketh Jerusalem, to kane oneno ka malaika kethe, noloko parone kuom masira mane odwaro kelo, omiyo nowacho ni malaika mane nego ji niya, “Oromo! Koro dwok lweti.” To noyudo ka malaikano ochung’ but kar dino mar Ornan ja-Jebus.

Ayub 34:27

nimar gisebaro, mi giweyo luwe, kendo gijwang’o chikene duto.

Zaburi 109:4

Kata obedo ni aherogi kendo alemonigi kamano, to pod gimon amona koda.

Zaburi 110:4

Ruoth Nyasaye osekuong’ore, kendo ok nolokre nga’ng’, kuom wachne mowacho ni, “In jadolo nyaka chieng’, e tich dolo mar Melkizedek.”

Zaburi 119:136

Pi wang’a mol ka aora, nikech ji ok dew rito chikni.

Zaburi 125:5

To chieng’ mikumoe joricho, to kum joma timbegi obam bende. Israel mondo obed gi kue!

Zaburi 36:3

Wechene richo kendo oting’o miriambo lilo. Rieko oselalne, omiyo ok onyal timo gimoro maber.

Zaburi 78:41

Adier, ne gitemo Nyasaye kinde mang’eny, nyaka ne gimiyo Ng’ama Ler mar Israel okecho.

Zaburi 78:57

mi giweye, kendo gindhoge mana kaka kweregi notimo. Ne gibaro mi giweyo yo, mana ka asere modir gi atung’ mobam, ma ok dimb gima onego ochiel.

Wuok 32:11

To Musa nohombo Ruoth Nyasaye ma Nyasache, kowachone niya, “A Ruoth Nyasaye, ang’o momiyo iwang’o jogi gi mirimbi? Donge gin jogi mane igolo Misri gi teko maduong’?

Wuok 32:14

Omiyo Ruoth Nyasaye noloko parone, mi koro ne ok okelo ni joge masira mane osewacho.

Jeremia 11:10

Gisedok e richo kweregi mane otamore timo gima ne awacho, nikech gisebedo ka gilamo nyiseche manono. Jo-Israel gi jo-Juda oseketho singruok mane atimo gi kweregi.

Jeremia 13:17

Ka utamoru winjo siemni, to anaywagu gi chunya nikech sungau. Anaywagu malit, mi pi wang’a nochuer nyaka wang’a owre, nikech odar jo-Ruoth Nyasaye, kitero e tuech.”

Jeremia 34:16

To bang’e ne uchako uloko parou, mi ukwedo nyinga. Uduto ne uchako ukawo wasumbni kendo.

Jeremia 9:1

“Mad wiya lokre soko mar pi, kendo pi wang’a lokre aora, mondo aywagi odiechieng’ gotieno nikech joga mosenegi.

Jeremia 9:18

Gibi piyo mondo gidengnwa, nyaka wengewa pong’ gi pi wang’, mi owre nikech ywak.

Ezekiel 18:24

“To ka ng’at makare oweyo timne makare, mi odonjo e richo, kotimo timbe mamono kendo modwanyore ma joricho ema timo, to koro dobed mangima adier? Ooyo, onge timne makare kata achiel ma napar. To enotho nikech noweya, mi odonjo e richo.

Amos 7:3

Mi chuny Ruoth Nyasaye nolendo, mowacho niya, “Ee, ayie. Gima kamano ok notimre.”

Jona 3:10

Nyasaye noneno gima ne gitimo, mokaka ne giweyo yoregi maricho. Omiyo nolokore, mi ok okelo masira kuomgi kaka nosesiemogi.

Jona 4:2

Omiyo nowacho ni Ruoth Nyasaye niya, “A Ruoth Nyasaye, kane pod an thurwa, donge nawacho ni ibiro timo gima kama? Mano emomiyo ne atemo ringo mondo adhi Tarshish, nikech nang’eyo ni in Nyasaye ma jang’wono, kendo makecho ji. Iyi ok wang’ piyo, kendo inyiso hera mosiko, bende chunyi lor a kuom kelo ni ji masira.

Zefania 1:6

kaachiel gi joma oselokona ng’egi, kendo ok manya kata kwaya mondo akony.”

Mathayo 24:13

To nga’ma otimo kinda nyaka giko ema nokwo.

Mathayo 5:44

An to awachonu ni nyaka uher wasiku, kendo ulam Nyasaye ni joma sandou,

Luka 6:12

E kindeno, Yesu nowuok odhi ewi got moro mondo olem, moriyo kuno otieno duto, kolamo Nyasaye.

Jo-Hibrania 10:38

Yie ema nomi ng’ata makare bed mangima. To ka odok chien, to ok nabed mamor kode.”

Joshua 22:16

“Wabiro e nying jo-Ruoth Nyasaye duto mondo wapenju gima omiyo usetimo gima rachni e nyim Ruoth Nyasaye ma Nyasach Israel? Useketho ni Ruoth Nyasaye, nikech ugero kendo-mar-misango maru uwegi, kendo useweyo luwe.

1 Samuel 12:23

To an bende, asingora ni ok naketh e nyim Ruoth Nyasaye, kaweyo lemonu kendu nyisou yo maber kendo makare.

1 Samuel 13:13

Samuel nowacho ni Saulo niya, “Itimo tim mofuwo. Ok iserito chik mane Ruorh Nyasaye omiyi. Da bed ni iserito chikne, to da oguro lochni e Israel nyaka chieng’.

1 Samuel 15:10

Eka wach Ruoth Nyasaye nobiro ni Samuel niya,

1 Samuel 15:3

Koro dhiyo iked gi jo-Amalek, kendo iketh mwandugi duto chuth. Kik iwegi, to ineggi duto, chwo gi mon, rawere gi nyithindo madhoth, gi dhok gi rombe, kod ngamia gi kenje.’ ”

1 Samuel 15:35

Samuel nokuyo nikech Ruoth Nyasaye ne oneno ni kara ne ok ber mondo oket Saulo ruodh Israel. Nyaka chop tho Samuel ne ok ochako oneno Saulo kendo.

1 Samuel 15:9

Saulo gi joge noweyo Agag kangima, to bende ne ok giketho rombe gi dhok machwe gi nyirombe kod gik moko mabeyo. To gik moko maricho, ma onge ohala, ema ne giketho chuth.

1 Samuel 16:1

Ruoth Nyasaye nowacho ni Samuel niya, “Ibiro kuyo nyaka karang’o, to asedagi ni kik Saulo obed ruoth? Koro ol mo e tung’ni mondo aori ir Jesse ja-Bethlehem, nikech aseyiero wuode moro mondo obed ruoth.”

1 Samuel 8:6

To kane gikwayo Samuel mondo omigi ruoth kamano, wachno ne rachne, mi nolamo Ruoth Nyasaye,