1 Samuel 14:50 - MUMA MALER 2015

⁵⁰ Nying chi Saulo ne Ahinoam nyar Ahimaaz. To nying jatend jolwenje ne Abner wuod Ner, owadgi wuon Saulo.

Motingʼo Loko Manyien

⁵⁰ Chiege ne nyinge Ahinoam nyar Ahimaz. Jatend jolweny ne Abner wuod Ner, Ner ne en owadgi wuon Saulo.

1 Samuel 14:50 ပူးပေါင်းရင်းမြစ်များ

2 Samuel 2:8

To noyudo ka Abner wuod Ner, ma jatend jolweny mag Saulo, osekawo Ishbosheth wuod Saulo, motero Mahanaim, loka Jordan.

2 Samuel 3:27

Kane Abner oduogo Hebron, Joab nobaro kode but rangach, ka gima odwaro wuoyo kode ling’ling’, mi nochwowo bund iye, monege, kochulo kuor nikech remb Asahel owadgi.

2 Samuel 3:38

Ruoth nowacho ni joge niya, “Donge ung’eyo ni jalweny maduong’ e Israel ema otho kawuono?.

2 Samuel 3:6

Kane pod lweny dhi nyime e kind dhood Saulo gi dhood Daudi, Abner nomedo yudo duong’ e dhood Saulo.

1 Weche mag Ndalo 26:28

Bende gik mane Samuel janen, gi Saulo wuod Kish, gi Abner wuod Ner, kod Joab wuod Zeruya ochiwo ni Ruoth Nyasaye ne nie lwet Shelemoth kod owetene nikech gin ema ne girito gik moko duto mochiw ni Ruoth Nyasaye.

1 Weche mag Ndalo 27:21

to kuom jo-Manase komachielo ma nodak Gilead, jatelo ne en Ido wuod Zekaria. Kuom jo-Benjamin ne en Jaasiel wuod Abner.

1 Samuel 10:14

Wuon Saulo matin nopenjo Saulo kod jotichne niya, “Ne udhi kanye?” Nodwoke niya, “Ne wadhi dwaro kenje, to kane waneno ni ok wanyal yudogi, ne wadhi ir Samuel.”

1 Samuel 17:55

Kane Saulo oneno Daudi kadhi kedo gi ja-Filistia, nopenjo Abner jatend jolweny niya, “Abner, wuowino en wuod ng’a?” Abner nodwoke ni, “Ruoth, ok ang’eye ngang’.”

1 Samuel 26:5

Eka nowuok, modhi kanyono, moneno kama Saulo gi Abner wuod Ner, jatend jolweny, jonindoe e dier kambi, to joge noguro hembegi alwora.