1 Samuel 14:44 - MUMA MALER 2015

⁴⁴ Saulo nowacho niya, “Nyasaye mondo okweda ka ok itho. Jonathan, in nyaka itho!”

Motingʼo Loko Manyien

⁴⁴ Saulo nowacho niya, “Nyasaye mondo okweda, ka ok itho in Jonathan.”

1 Samuel 14:44 ပူးပေါင်းရင်းမြစ်များ

Chakruok 38:24

Bang’ dweche maromo adek, Juda nowinjo ni Tamar chi wuode osemako ich, omiyo nowacho ni, “Goleuru oko mondo owang’e.”

2 Samuel 12:31

kendo nodaro joma nodakie, moketogi e tich ng’ado bao, kod kunyo kite, gi tong’o yien, kod wang’o matafari. Kamano e kaka Daudi notimo e miech jo-Amon duto. Bang’e nodok Jerusalem gi jogo duto.

2 Samuel 12:5

Kane Daudi owinjo wachno, mirima nomake ahinya gi japithno. Nowacho ni Nathan niya, “Gi nying Ruoth Nyasaye, ng’at mosetimo kamano owinjore gi tho!

2 Samuel 19:13

Wachuru ni Amasa bende ni, ‘Donge ing’eyo ni in kod an wan remo achiel? Nyasaye mondo okweda ka ok aketi jatend jolweny kar Joab.’ ”

2 Samuel 3:9

Nyasaye mondo okweda ka ok atimo ni Daudi kaka Ruoth Nyasaye nosingorene,

Ngeche 25:16

Kinwang’o mor kich, to cham mana moromi, nikech ka ichamo mathoth, to dipo ka ing’ok.

Jong’ad Bura 11:35

Kane onene, noyiecho lepe, koywak, mowacho niya, “Yaye nyathina! Ichodo chunya! Ang’o momiyo in ema ikelona chandruokni? Asekuong’ora ni Ruoth Nyasaye kendo ok anyal lokora!”

Ruth 1:17

Kama nithoe ema nathoe, kendo kanyo ema noyikae. Ruoth Nyasaye mondo okweda ka wach moro opoga kodi, kata da obed mana tho.”

1 Samuel 14:39

Gi nying Ruoth Nyasaye mareso Israel, kata dabed ni ng’at mokethono en mana Jonathan wuoda, to nyaka otho!” To onge kata ng’at achiel mane odwoke.

1 Samuel 25:22

Nyasaye mondo okweda ka aweyo kata ng’at achiel madichwo kuom joge kangima kawuononi!”

1 Samuel 3:17

Eli nopenje niya, “Wach ang’o ma Ruoth Nyasaye onyisi? Asayi, kik ipandago. Nyasaye mondo okwedi kipanda wach moro kuom weche duto ma nowachoni.”