1 Samuel 14:41 - MUMA MALER 2015

⁴¹ Eka Saulo nowacho niya, “A Ruoth Nyasaye ma Nyasach Israel, ang’o momiyo ok isedwokowa tinendeni? A Ruoth Nyasaye ma Nyasach Israel, ka ketho ni kuoma, kata kuom Jonathan wuoda, to chiw ombulu miluongo ni Urim. To ka en kuom jogi Israel, to chiw ombulu miluongo ni Thumim.” Mi Saulo gi Jonathan ema noyier, to jo-Israel nowe.

Motingʼo Loko Manyien

⁴¹ Bangʼe Saulo nolamo Jehova Nyasaye ma Nyasach Israel niya, “En angʼo momiyo pod ok idwoko jatichni kawuono? Ka dipo ni iyudo ketho moro kuoma kata kuom wuoda Jonathan, to chiw ombulu miluongo ni Urim, to ka dipo ni jo-Israel ema oketho, ni chiw ombulu miluongo ni Thumim.” Omiyo Saulo gi Jonathan ema noyier gi ombulu, to jo-Israel nowe.

1 Samuel 14:41 ပူးပေါင်းရင်းမြစ်များ

Ngeche 16:33

Ji goyo ombulu mondo ong’e gima onego gitim, to Nyasaye owuon ema ong’eyo gima timore.

Ngeche 18:18

Ka joma rateke ng’ang’ore e od bura, to ombulu ema nyalo thegogi.

Jona 1:7

Jokwang’ nowacho e kindgi giwegi niya, “Biuru wago ombulu, mondo wang’ego ni ng’ano mokelonwa hawi marachni.” Kamano ne gigoyo ombulu, mi ombulu nolwar mana kuom Jona.

Tich Joote 1:24

Bang’ mano ne gilemo niya, “A Ruoth, in ema ing’eyo chuny ji duto, Nyiswa jal miseyiero kuom ji ariyogi,

Tich Joote 1:26

Eka ne gigoyo ombulu, mi ombulu nolwar kuom Mathia. Omiyo ne gikete mobedo ji joote apar gachiel.

1 Samuel 14:40

Eka nowacho ni jo-Israel duto niya, “Un beduru bathe konchiel, to an gi Jonathan wuoda, wabed komachielo.” Mi ji duto nodwoko Saulo ni, “Tim gima ineno ni ber.”

1 Samuel 14:42

Eka Saulo nowacho niya, “Go ombulu e kindwa gi Jonathan wuoda.” Mi ombulu nolwar kuom Jonathan.