1 Samuel 14:40 - MUMA MALER 2015

⁴⁰ Eka nowacho ni jo-Israel duto niya, “Un beduru bathe konchiel, to an gi Jonathan wuoda, wabed komachielo.” Mi ji duto nodwoko Saulo ni, “Tim gima ineno ni ber.”

Motingʼo Loko Manyien

⁴⁰ Saulo nowachone jo-Israel duto niya, “Un chungʼuru konchiel ka an kod Jonathan wuoda to wachungʼ bathe komachielo.” Ji nodwoko niya, “Tim gima ineno ni berni.”

1 Samuel 14:40 ပူးပေါင်းရင်းမြစ်များ

2 Samuel 15:15

Jotend lweny nodwoko ruoth niya, “Ruoth waikore timo gimoro amora miwacho.”

1 Samuel 1:23

Elkana chwore nokone niya, “Tim gima ineno ni ber. Rit nyaka nyathi we dhoth. To Ruoth Nyasaye mondo one ni ichopo singruokni.” Kamano Hana nodong’, kadhodho nyathine nyaka we dhoth.

1 Samuel 14:36

Saulo nowacho ni ji niya, “Waloruru mondo wamonj jo-Filistia gotienoni, kendo wayakgi nyaka piny ru, bende kik wawe kata ng’at achiel dong’ kangima.” Mi ne gidwoke niya, “Tim gima ineno ni ber.” To jadolo nowacho ni, “Wapenjuru Nyasaye wach mondi.”

1 Samuel 14:39

Gi nying Ruoth Nyasaye mareso Israel, kata dabed ni ng’at mokethono en mana Jonathan wuoda, to nyaka otho!” To onge kata ng’at achiel mane odwoke.

1 Samuel 14:41

Eka Saulo nowacho niya, “A Ruoth Nyasaye ma Nyasach Israel, ang’o momiyo ok isedwokowa tinendeni? A Ruoth Nyasaye ma Nyasach Israel, ka ketho ni kuoma, kata kuom Jonathan wuoda, to chiw ombulu miluongo ni Urim. To ka en kuom jogi Israel, to chiw ombulu miluongo ni Thumim.” Mi Saulo gi Jonathan ema noyier, to jo-Israel nowe.

1 Samuel 14:7

Jating’ne gilweny nokone ni, “Tim duto manie chunyi, nikech abiro konyi e gimoro amora ma idwaro timo.”