1 Samuel 14:37 - MUMA MALER 2015

³⁷ Omiyo Saulo nopenjo Nyasaye wach niya, “Alaw jo Filistia koso? Bende ibiro chiwogi e lwet jo-Israel?” To ne ok odwoke gimoro chieng’ono.

Motingʼo Loko Manyien

³⁷ Omiyo Saulo nopenjo Nyasaye niya, “Bende anyalo lawo jo-Filistia? Ibiro ketogi e lwet jo-Israel koso?” To Nyasaye ne ok odwoke chiengʼno.

1 Samuel 14:37 ပူးပေါင်းရင်းမြစ်များ

2 Samuel 5:19

Daudi nopenjo Ruoth Nyasaye wach niya, “Kadhi kedo gi jo-Filistia, nichiwgi e lweta koso?” Ruoth Nyasaye nodwoke niya, “Dhiyo; nachiwgi e lweti.”

2 Samuel 5:23

Daudi nochako openjo Ruoth Nyasaye wach, mi Ruoth Nyasaye nodwoke niya, “Kik ichomgi tir, to ng’ad yo ka ng’egi mondo imonjgi kama omanyore gi yien maboyo ka.

1 Ruodhi 22:15

Kane Mikaya ochopo e nyim ruoth, ruoth nopenje niya, “Koso wawe?” Nodwoke niya, “Dhi mondo ilo! Ruoth Nyasaye biro chiwe e lweti.”

1 Ruodhi 22:5

Eka Jehoshafat nowacho ni ruodh Israel niya, “To mokwongo onego wapenj Ruoth Nyasaye wach.”

Ezekiel 20:3

“Wuod dhano, nyis jogi ni an Ruoth Nyasaye awacho kama: Bende usebiro ni mondo upenja wach adier? Kaka an Nyasaye mangima, ok anayienu mondo upenja gimoro! An Ruoth Nyasaye ema awacho kamano.

Jong’ad Bura 1:1

Bang’ tho Joshua, jo-Israel nopenjo Ruoth Nyasaye wach niya, “Ere dhoot monego kuong dhi monjo jo-Kanaan?”

Jong’ad Bura 20:18

Jo-Israel nowuok modhi Bethel, mi gipenjo Nyasaye wach niya, “Ere dhoot monego kuong dhi monjo jo-Benjamin?” Ruoth Nyasaye nodwoko ni, “Dhood Juda ema mondo okuong monjogi.”

Jong’ad Bura 20:28

kendo Finehas wuod Eleazar ma wuod Harun ne e jadolo e nyim Ruoth Nyasaye. Jo-Israel nopenjo Nyasaye niya, “Wadog mondo waked gi owetewa ma jo-Benjamin, koso wawe?” Ruoth Nyasaye nodwoko niya, “Monjgiuru, kendo kiny nachiwgi e lwetu.”

1 Samuel 10:22

Emomiyo ne gichako gipenjo Ruoth Nyasaye wach niya, “Ng’atno osebiro ka koso?” Ruoth Nyasaye nodwokogi ni, “Ero opondo e kind misike.”

1 Samuel 23:2

Omiyo nopenjo Ruoth Nyasaye wach niya, “Adhi aked gi jo-Filistia koso?” Ruoth Nyasaye nodwoke niya, “Dhiyo, iked kodgi, mondo ires jo-Keila.”

1 Samuel 23:4

Kuom mano Daudi nochako openjo Ruoth Nyasaye wach, mi Ruoth Nyasaye nodwoke niya, “A malo idhi Keila, nimar abiro chiwo jo-Filistia e lweti.”

1 Samuel 28:6

To kane okwayo Ruoth Nyasaye wach, Ruoth Nyasaye ne ok odwoke, kata e yor lek, kata e yor Urim kata gi dho jonabi.