1 Samuel 14:35 - MUMA MALER 2015

³⁵ Mano emomiyo Saulo nogero ni Ruoth Nyasaye kendo-mar-misango. En e kendo-mar-misango mane okuongo gero ni Ruoth Nyasaye.

Motingʼo Loko Manyien

³⁵ Eka Saulo nogero kendo mar misango ne Jehova Nyasaye, mano e chiengʼ mokwongo mane otime ma.

1 Samuel 14:35 ပူးပေါင်းရင်းမြစ်များ

2 Samuel 24:25

Eka nogero ni Ruoth Nyasaye kendo-mar-misango kanyono, motimoe misengni miwang’o pep, kod mag sawo. Ruoth Nyasaye nowinjo lemo ma nochiwne, kendo nogeng’o tho malitno mondo kik oneg jo-Israel.

Hosea 8:14

Jo-Israel osegero ut ruodhi, to wigi owil gi jachuechgi. Jo-Juda osegero mier mochiel motegno, to abiro oro mach mondo owang’ miego kaachiel gi ut ruodhigo.”

2 Timotheo 3:5

Ginitim gik mamiyo ginenore ka joma oluoro Nyasaye, to ngimagi to nonyis ni gionge gi teko ma luoro Nyasaye kelo. In to nyaka ibed mabor gi joma kamago.

Jakobo 4:8

Nyasaye to kusudo ire to nosud iru. Un joricho, lwokuru luetu, kendo un johubagabaga, puodhuru chunyu.

Jong’ad Bura 21:4

Kinyne gokinyi, ji nochiew chon, mogero kendo-mar-misango kanyo, mi gitimoe misengni miwang’o pep kod misengni mag sawo.

Jong’ad Bura 6:24

Bang’ mano, Gideon nogero ni Ruoth Nyasaye kendo-mar-misango kanyo, mochako ni, ‘Jehova Shalom’, (tiende ni, Ruoth Nyasaye en kue.) Kendono pod ni Ofra kuno e piny jo-Abieze, nyaka chil kawuono.

1 Samuel 14:34

Eka nomedo wacho niya, “Dhiuru kuom ji, ulandnigi wach ni ruoth wacho kama: ‘Ng’ato ka ng’ato mondo okelna rwadhe kata rombone mondo onegi kendo ocham ka. To kik uketh ni Ruoth Nyasaye, kuchamo ring’o motimo remo.’ ” Omiyo godhiambono, ng’ato ka ng’ato nokelo chiache monego kanyo.

1 Samuel 7:12

Samuel nokawo kidi, mochungo kanyo e kind Mizpa gi Jeshana. Nowacho niya, “Ruoth Nyasaye osekonyowa nyaka ka.” Omiyo nochako kidino ni Ebenezer, (tiende ni, kidi mar konyruok).

1 Samuel 7:17

To bang’e nodoknga Rama, kuma dalane ne nitie. Kuno bende nong’adoe buche jo-Israel, kendo nogeroe kendo-mar-misango ni Ruoth Nyasaye.

1 Samuel 7:9

Omiyo Samuel nokawo nyarombo madhoth, mochiwo ni Ruoth Nyasaye ka misango miwang’o pep. Eka nokwayo Ruoth Nyasaye mondo ores jo-Israel, mi Ruoth Nyasaye nowinjo kwayone, modwoke.