1 Samuel 14:33 - MUMA MALER 2015

³³ Eka nonyis Saulo niya, “Ji ketho ni Ruoth Nyasaye, nikech gichamo ring’o motimo remo.” Saulo nowacho ni ji niya, “Usetimo marach, omiyo ng’ieluru kidi maduong’, ukelna ka.”

Motingʼo Loko Manyien

³³ Eka ngʼato nowachone Saulo niya, “Neye kaka ji timo richo ni Jehova Nyasaye ka gichamo ringʼo motimo remo.” Eka nowacho niya, “Useketho yie. Ngʼielnauru kidi maduongʼno ukel ka.”

1 Samuel 14:33 ပူးပေါင်းရင်းမြစ်များ

Chakruok 9:4

To mak mana ni kik ucham gimoro mapok rembe ochuer piny, nikech remo e ngima.

Tim jo-Lawi 17:10

“Ka ja-Israel moro amora kata japiny moro modak kuomu ochamo remo to anabed jasike, mi nang’ad kare oko kuom ogandagi,

Tim jo-Lawi 19:26

“Kik ucham ring’o man gi remo. Kik upor wach, kata kik ubed ajuoke.

Tim jo-Lawi 7:26

Kik ucham remo moro amora, bed ni en mar winyo kata mar le, kamoro amora mudakie.

Tim jo-Lawi 7:27

Ng’ato ang’ata mochamo remo nong’ad kare oko kuom ogandagi.

Mathayo 7:5

In miwuondori awuondani! Kwong igol yath maduong’ manie wang’i iwuon, eka ininen maler mondo igol pilni yath manie wang’ wadu!

Tich Joote 15:20

To onego wandiknigi barua ma nyisogi ni nyaka giritre kuom gik ma ok ler nikech gik ma kamago osechiw ni nyiseche manono. Bende kik giterre, kendo kik gicham gima ode, bende kik gicham remo.

Jo-Rumi 2:1

Kuom mano, ka ing’ado ni wadu bura, to ng’e ni bura oseloyi, bed ni in ng’at manadi, nikech ka ing’ado ni jomoko bura, to ing’ado bura mana ni in iwuon, nimar in bende itimo mana gik ma jogo timo.

Rapar mar Chik 12:16

Remo to kik ucham, to, oleuru piny mana ka pi.

Rapar mar Chik 12:23

To neuru ni ok uchamo remo, nimar remo e ngima, omiyo kik ucham ngima gi ring’o kanyakla.

Rapar mar Chik 15:23

Remo to kik ucham, to oleuru piny mana ka pi.

1 Samuel 14:34

Eka nomedo wacho niya, “Dhiuru kuom ji, ulandnigi wach ni ruoth wacho kama: ‘Ng’ato ka ng’ato mondo okelna rwadhe kata rombone mondo onegi kendo ocham ka. To kik uketh ni Ruoth Nyasaye, kuchamo ring’o motimo remo.’ ” Omiyo godhiambono, ng’ato ka ng’ato nokelo chiache monego kanyo.