1 Samuel 14:3 - MUMA MALER 2015

³ Ahija wuod Ahitub, ma owadgi Ikabod, ma wuon Finehas, ma wuod Eli, jadolo mar Ruoth Nyasaye e Shilo, ema ne oting’o law dolo miluongo ni efod. To onge ng’ama nong’eyo ni Jonathan osedhi.

Motingʼo Loko Manyien

³ achiel kuom joma ne en godo kuno ne en Ahija mane orwako law mayom mar dolo miluongo ni efod. Ne en wuod owadgi Ikabod miluongo ni Ahitub wuod Finehas, ma wuod Eli, jadolo mar Jehova Nyasaye modak Shilo. Ne onge ngʼama ongʼeyo ni Jonathan ne osewuok.

1 Samuel 14:3 ပူးပေါင်းရင်းမြစ်များ

1 Samuel 1:3

Higa ka higa, ng’atni ne wuok e dalane, kadhi Shilo mondo olem kendo otim misango ni Ruoth Nyasaye Manyalo Gik Moko Duto. E ndalogo, noyudo ka Hofni gi Finehas, yawuot Eli, ne tiyo kuno ka jodolo mag Ruoth Nyasaye.

1 Samuel 14:36

Saulo nowacho ni ji niya, “Waloruru mondo wamonj jo-Filistia gotienoni, kendo wayakgi nyaka piny ru, bende kik wawe kata ng’at achiel dong’ kangima.” Mi ne gidwoke niya, “Tim gima ineno ni ber.” To jadolo nowacho ni, “Wapenjuru Nyasaye wach mondi.”

1 Samuel 2:18

Samuel ne tiyo e nyim Ruoth Nyasaye ka pod en nyathi, korwakore gi nanga mar katana.

1 Samuel 2:28

Ne ayiere kuom dhout Israel duto mondo obed jadolona, kendo odhi e kendona-mar-misango, otim misengni, kendo orwakre gi law dolo miluongo ni efod e nyima. Namiyo dhoodu misengni duto miwang’o ma jo-Isarel chiwo.

1 Samuel 22:20

To wuod Ahimelek achiel ma nyinge Abiathar, notony, moringo odhi ir Daudi,

1 Samuel 4:21

Nochako nyathi ni Ikabod, (tiende ni, maonge duong’) kowacho niya, “Duong’ osea kuom Israel.” Nowacho kamano nikech Sanduk mar Nyasaye nosekaw, kendo kwar mare gi chwore ne josetho.

1 Samuel 4:4

Omiyo ne gioro wach Shilo, mi gikelo Sandug Muma mar Ruoth Nyasaye Manyalo Gik Moko Duto, ma en Nyasaye mobet ewi kerubi. Hofni gi Finehas, ma yawuot Eli, ema nobiro gi Sandug Muma.