1 Samuel 14:20 - MUMA MALER 2015

²⁰ Eka Saulo gi joge duto nowuok mogiyo kadhi e lweny, kuma ne giyudoe ka jo-Filistia negore kendgi giwegi, achadha nono.

Motingʼo Loko Manyien

²⁰ Eka Saulo gi joge nochokore mi gidhi e lweny. Negiyudo ka jo-Filistia pachgi ok ti, kendo gingʼadore gi ligangla kendgi giwegi.

1 Samuel 14:20 ပူးပေါင်းရင်းမြစ်များ

1 Ruodhi 20:21

Eka ruodh Israel nowuok momako farese gi geche, kendo nonego jo-Aram oyokre.

2 Weche mag Ndalo 20:23

Noyudo ka jo-Amon kod jo-Moab onywako ni jo-got Seir, motieko chuth, kendo kane gisetiekogi kamano, ne gichako negore kendgi giwegi.

Isaya 19:2

Owacho niya, “Abiro thuwo jo-Misri e kindgi giwegi, mi ng’ato ka ng’ato gore gi wadgi. Dala ka dala noked gi dala machielo, kendo gweng’ ka gweng’ bende noked gi wadgi.

Ezekiel 38:21

“Anabwog Gog gi masiche mopogore opogore. An Ruoth Nyasaye ema awacho kamano. Joge noked kendgi ng’ato gi ng’ato.

Jong’ad Bura 7:22

Ji mia adekgo nomedo goyo tungegi, mi Ruoth Nyasaye nomiyo ji duto mane ni e kambi ochako kedo kendgi giwegi. Ne giringo nyaka Beth-shita e yo mochomo Zerera, mi gichopo e tong’ Abel-mehola man but Tabath.

1 Samuel 14:16

Jorito mag Saulo mane ni Gibea noneno ka oganda lweny mag jo-Filistia ke, karingo koni gi koni.

1 Samuel 9:16

“Kiny kar sa makama, anaorni ng’at moro moa e piny Benjamin. Wire mondo obed ruodh joga Israel. Enores joga e lwet jo-Filistia, nimar aseneno chandruok mar joga, kendo ywakgi osechopo ira.”