1 Samuel 14:18 - MUMA MALER 2015

¹⁸ Saulo nowacho ni Ahija ni, “Kel Sanduk mar Nyasaye ka.” Ahija ema ne ting’o Sanduk ni jo-Israel ndalogo.

Motingʼo Loko Manyien

¹⁸ Saulo nowachone Ahija ni kel Sandug Muma mar Nyasaye mane jo-Israel nigo e kindeno.

1 Samuel 14:18 ပူးပေါင်းရင်းမြစ်များ

2 Samuel 11:11

To Uria nodwoke niya, “Sandug Muma kod jo-Israel gi jo-Juda odak mana e hembe, kendo Joab ma jatendwa gi jodongi mag lweny bende jojot oko e pap. Koro ere kaka an dadonj e oda machiem kendo amethi, kendo anind gi chiega? Akuong’ora gi nyingi, ni ok natim kamano!”

Kwan 27:21

Enobed kodhi ir Eleazar jadolo ma nobed ka goyone ombulu miluongo ni Urim, mondo ong’ego gima Ruoth Nyasaye dwaro. Oganda jo-Israel, kaachiel gi Joshua, nowuog oko kendo noduog dala, mana kaka Eleazar ochikogi.”

Jong’ad Bura 20:18

Jo-Israel nowuok modhi Bethel, mi gipenjo Nyasaye wach niya, “Ere dhoot monego kuong dhi monjo jo-Benjamin?” Ruoth Nyasaye nodwoko ni, “Dhood Juda ema mondo okuong monjogi.”

1 Samuel 14:17

Eka Saulo nowacho ni joma ne ni kode niya, “Kwanreuru, mondo une ane ng’ama onge kuomwa.” To kane gitieko kweno, ne ginwang’o ni Jonathan gi jating’ne gi lweny ema onge.

1 Samuel 14:36

Saulo nowacho ni ji niya, “Waloruru mondo wamonj jo-Filistia gotienoni, kendo wayakgi nyaka piny ru, bende kik wawe kata ng’at achiel dong’ kangima.” Mi ne gidwoke niya, “Tim gima ineno ni ber.” To jadolo nowacho ni, “Wapenjuru Nyasaye wach mondi.”

1 Samuel 23:9

To kane Daudi owinjo ni Saulo dwaro timone marach, nowachone Abiathar niya, “Kelna law dolo.”

1 Samuel 5:2

Eka ne gitere e od nyasachgi ma Dagon, mi gikete but nyasachgino.

1 Samuel 7:1

Ne gitere e od Abinadab e got, kendo ne giyiero Eleazar wuode mondo orite.