1 Samuel 14:15 - MUMA MALER 2015

¹⁵ Mi luoro maduong’ nolandore kuom jo-Filistia duto, mane nie paw lweny, kendo mane nie kambi. Jolweny ma jorit, kaachiel gi oganda mony bende nokirni, kendo piny noyiengni, mi kihondko malich nobetie.

Motingʼo Loko Manyien

¹⁵ Bwok maduongʼ nomako jolweny mane ni e kambi gi mago mane ni e paw lweny, kata mana mago mane ni e kambi matindo tindo kendo piny duto noyiengni. Ne en kihondko moor gi Nyasaye.

1 Samuel 14:15 ပူးပေါင်းရင်းမြစ်များ

Chakruok 35:5

Kane Jakobo gi yawuote owuok, luoro maduong’ moa kuom Nyasaye nomako ji modak e miech pinyno, mi ne ok gilawo Jakobo gi yawuote.

2 Samuel 5:24

Kiwinjo mutni ewi yien, ka mutni mag ji mawuotho, to ireti, nimar asetelo nyimi, mondo adhi alo jolweny mag jo-Filistia.”

Ayub 18:11

Masira bwoge koni gi koni, kendo lawe sa duto.

Zaburi 14:5

To kihondko biro makogi, nikech Nyasaye mana nigi jogo ma oluore.

Wuok 19:18

Wi got duto notimo iro, nikech Ruoth Nyasaye noselorie, ka en ei mach. Iro ne dhuolore, kendo ji duto ne kirni malich.

Daniel 5:6

ne obedo maluor, mi chunye ochandore, kendo dende ojuol ka chongene tetni.

Mathayo 24:6

Unuwinj mahu mag lwenje man kuonde machiegni, kod wach lwenje man kuonde maboyo, to kik chunyu parre. Gik ma kamago nyaka timre, to mano ok onyiso ni giko mar piny osechopo,

Joshua 2:9

mowachonigi niya, “Ang’eyo ni Ruoth Nyasaye osemiyou pinyni, kendo en adier ni waduto waluor nikech birou, kendo kibaji omako piny duto.

Jong’ad Bura 7:21

Ne gilworo kambi ka ng’ato ka ng’ato ochung’ kare. To jo-Midian nochiew ka kihondko omako, moringo ka ywak.

1 Samuel 13:17

Ogendni adek mag mony ne thoro wuok e kambi jo-Filistia. Oganda achiel ne luwo yo madhi Ofra e piny Shual,

1 Samuel 13:18

to oganda machielo ne luwo yo madhi Beth-horon, kendo oganda mar adek ne luwo yo mochiko gode, momanyore gi holo mar Zeboim gi thim.

1 Samuel 13:23

Noyudo jo-Filistia oseketo jolweny e holo mar Mikmash.

1 Samuel 14:14

E lweny mokwongono, Jonathan gi jatichne nonego ji ma dirom piero ariyo, e pap matin mane gintieno.

1 Samuel 14:16

Jorito mag Saulo mane ni Gibea noneno ka oganda lweny mag jo-Filistia ke, karingo koni gi koni.

1 Samuel 7:10

Kane pod Samuel timo misango, jo-Filistia nokayo ni jo-Israel mondo oked kodgi, to Ruoth Nyasaye nomiyo polo omor matek kuom jo-Filistia, mokeyogi mi jo-Israel noloyogi.