1 Samuel 14:12 - MUMA MALER 2015

¹² Ne giluongo Jonathan kod jatichne, ka giwacho niya, “Idhuru ubi ku, ubiro neno!” Jonathan nowacho ni jatichne niya, “Luw bang’a, nikech Ruoth Nyasaye osechiwogi e lwet jo-Israel.”

Motingʼo Loko Manyien

¹² Eka ji duto mane ni e kambi nokok ni Jonathan gi jatingʼne gi lwenje niya, “Biuru irwa mondo une gima wabiro timonu.” Omiyo Jonathan nowacho ni jatingʼ gi lwenje niya, “Idh iluwa Jehova Nyasaye oseketogi e lwet jo-Israel.”

1 Samuel 14:12 ပူးပေါင်းရင်းမြစ်များ

Chakruok 24:42

Omiyo ka nende achopo e soko, to nalamo Ruoth Nyasaye niya, ‘A Nyasach Ibrahim ruodha, yie iguedh wuodhani.

Chakruok 24:48

kendo nagoyo chonga piny makulora kalamo Ruoth Nyasaye. Napako Ruoth Nyasaye ma Nyasach Ibrahim ruodha mosetelona maber mondo ayud nyar owadgi ruodha ni wuode.

2 Samuel 5:24

Kiwinjo mutni ewi yien, ka mutni mag ji mawuotho, to ireti, nimar asetelo nyimi, mondo adhi alo jolweny mag jo-Filistia.”

2 Ruodhi 14:8

Eka Amazia nooro ni Jehoash wuod Jehoahaz ma wuod Jehu ruodh Israel, kowachone niya, “Bi mondo waradi.”

Jong’ad Bura 4:14

Debora nowacho ni Barak niya, “A malo! Kawuononi Ruoth Nyasaye biro keto Sisera e lweti. Ruoth Nyasaye osewuok kedo e nyimi.” Kamano Barak nobiro koa got Tabor gi ji alufu apar.

Jong’ad Bura 7:14

Eka wadgi nodwoke niya, “Nyaka bed ni mano en mana ligangla Gideon wuod Joash ma ja-Israel. Kara, Nyasaye osechiwo jo-Midian kod ogandagi mar lweny duto e lwete.”

Jong’ad Bura 7:15

Kane Gideon owinjo lekno, kaachiel gi ngeche, nogoyo chonge piny, molemo, eka nodok e kambi jo-Israel mowacho niya, “Wuoguru, nikech Ruoth Nyasaye oseketo jolweny mag Midian e lwetu.”

Jong’ad Bura 9:54

Eka noluongo wuowi mane jating’ne gi lweny piyopiyo, mowachone niya, “Wuodh liganglani, inegago, nimar dipo ka ji owacho ni dhako ema onega.” Kamano wuowino nochwowe, motho.

1 Samuel 14:10

To ka giwacho ni wadhi irgi, eka wanadhi, kwang’eyo ni Ruoth Nyasaye osechiwogi e lwetwa. Mano ema nobednwa ranyisi.”

1 Samuel 14:13

Jonathan noidho kalawore gi lwete, ka jatichne luwo bang’e. Eka nomonjo jo-Filistia, kogoyonigi piny, to jatichne negogi, ka luwo bang’e.