1 Samuel 13:6 - MUMA MALER 2015

⁶ To kane jo-Israel oneno ka wach otamo wang’gi, nikech nothung’gi ahinya, ne gipondo kamoro amora mane ginyalo tonyie, kaka buche gi bunge gi bugni kod sokni, kendo e kind lwendni.

Motingʼo Loko Manyien

⁶ Kane jo-Israel oneno kaka wach chal kuomgi kendo ni jolwenjgi othungʼ marach, ne gipondo e rogo, e bunge, e kind lwendni, e buche matut, e soko.

1 Samuel 13:6 ပူးပေါင်းရင်းမြစ်များ

2 Samuel 24:14

Daudi nodwoko Gad niya, “An gi masira maduong’, to ber mondo wabed e lwet Ruoth Nyasaye, nimar ng’wonone duong’. To kik abed e lwet dhano.”

Isaya 42:22

To kata kamano jogi gin joma oyaki, kendo oter e tuech. Giduto gisenyumore e obadho mokunynigi, mi gilal e ut tuech. Omakgi, mi odhi kodgi mana ka gima gin gik moyaki, ma onge ng’ama nyalo resogi, kata wacho ni mondo odwokgi.

Jeremia 41:9

Bur mane Ishmael owitoe joma ne onegogo ne bur maduong’. Ruoth Asa ema nosekunyo burno mondo okanie pi ndalo mane Baasha ruodh Israel dwaro monje. Koro Ishmael nopong’o burno gi ringre ji mane onego.

Ezekiel 33:27

“Nyisgi bende ni an Ruoth Nyasaye akuong’ora ni kaka an Nyasaye mangima, ji modak e mier modong’ gundni ibiro nego, kendo joma odak oko e risaf, ondiegi nocham, to joma opondo e gode kod buche, tuoche nonegi.

Jo-Filipi 1:23

nikech gik moko ariyogo beyona duto. To agombo ahinya ni aa, mondo adhi abed gi Kristo, nikech mano ema dibedna maber moloyo.

Jo-Hibrania 11:38

Ne gin joma beyo gilala ma ok owinjore bed e pinyni. Ne gibayo abaya e thimbe kod gode ka gidak e rogo kod buche manie lowo.

Joshua 8:20

Kane jo-Ai ogoyo machiemo, ne gineno iro kadum e dala kochomo polo. Onge kuma ne ginyalo tonyie, nikech jo-Israel ma noyudo wuondore ni ringo kochomo thim, nolokore gi joma ne lawogi.

Jong’ad Bura 10:9

Bang’e jo-Amon nong’ado aora Jordan, mondo omonj jo-Juda gi jo-Benjamin kod jo-Efarim, mi jo-Israel nobedo e thagruok malit.

Jong’ad Bura 20:41

Omiyo jo-Israel nolokore gi jo-Benjamin, mi luoro maduong’ nomako jo-Benjamin, ka gifwenyo ni kara oselogi.

Jong’ad Bura 6:2

Jo-Midian nothung’ogi ahinya, omiyo nochunogi ni nyaka gipondi kuonde madiny e kor gode, kod kuonde motimo rogo, gi kuonde moko ma ginyalo geng’oree.

1 Samuel 13:15

Eka Samuel noa Gilgal, modhi adhiya. Saulo bende noa kuno, mowuotho kochomo kambi mar lweny, ka ji duto modong’ luwo bang’e. Kane ochopo Gibea, dala jo-Benjamin, nokwano joma ne ni kode, monwang’o ni gin ji ma dirom mia auchiel.

1 Samuel 14:11

Omiyo ne giwuok e lela, mondo jolweny mag jo-Filistia onegi. Jo-Filistiago nowacho ni, “Neuru! Jo-Hibrania wuok e buche ma yande gipondoe.”

1 Samuel 14:22

Bende kane jo-Israel duto mane osepondo e piny gode mag Efraim owinjo ni jo-Filistia ringo, ne gilawogi matek.

1 Samuel 23:19

Jo-Zif nodhi Gibea ir Saulo, mi giwacho niya, “Daudi opondo kuomwa Horesh, e got Hakila, yo milambo mar Jeshimon

1 Samuel 24:3

Nochopo e abilni mag rombe man but yo, kama ne nitie rogo, kendo nodonjo e rogono mondo olosre. To Daudi gi joge noyudo osedonjo e rogono, mobet piny gi yo ka iye.

1 Samuel 31:7

Kane jo-Isreal mane odak e holo machielo, kaachiel gi joma nodak loka Jordan, oneno ni jolwenj Israel oseringo, kendo ni Saulo gi yawuote josetho, ne gibolo miechgi kanyo, mi gin bende ne giringo. Bang’e jo-Filistia nobiro, modak e miergo.

1 Samuel 7:7

Kane jo-Filistia owinjo ni jo-Israel osechokore kanyakla Mizpa, ruodhigo nodhi mondo oked gi jo-Israel. To kane jo-Israel owinjo ni jo-Filistia biro, luoro nomakogi.