1 Samuel 13:5 - MUMA MALER 2015

⁵ Jo-Filistia nochokore mondo oked gi jo-Israel. Ne gin gi geche alufu piero adek, gi joidh farese alufu auchiel, kod ji mathoth ka kuoyo mae dhonam. Ne gidhi Mishmash, mi gijot kuno, yo wuokchieng’ mar Bethaven.

Motingʼo Loko Manyien

⁵ Jo-Filistia nochokore mar kedo gi jo-Israel, ka gin gi geche alufu adek, gi geche mag farese alufu auchiel, gi jolweny mathoth ka kwoyo man e dho nam. Negiwuok mi gidhi gibworo Mikmash man yo wuok chiengʼ mar Beth Aven.

1 Samuel 13:5 ပူးပေါင်းရင်းမြစ်များ

Chakruok 22:17

Akuong’ora gi nyinga awuon ni kaka ok isetama e wuodi ma miderma, abiro guedhi moloyo, mi ami nyikwayi bed mang’eny ka sulue, kendo ka kuoyo mae dho nam. Nyikwayi nolo wasikgi,

2 Samuel 17:11

An to ang’ado rieko ni mondo ichok jo-Israel duto kanyakla, chakre Dan nyaka Beer-sheba, joma thoth ka kuoyo ma e dhonam. Kendo in iwuon itelnigi e lweny.

1 Ruodhi 20:27

Jo-Israel bende nochokore koseikgi ni lweny, mi ne giwuok mondo giked gi wasikgigo. Jo-Israel nojot momanyore gi jo-Aram. Jo-Aram nopong’o piny, to jo-Israel ne chalo kweth matindo ariyo mag diek.

2 Weche mag Ndalo 1:9

A Ruoth Nyasaye, iseketa ruodh oganda ma ji thothie ka kuoyo, koro yie ichop singruok mane isingorigo ni Daudi wuora.

Isaya 10:28

Ne aneno e fweny ni: Mony moa Rimon osechopo Ayath gisekadho Migron, kendo kikano gigi Mikmash

Isaya 48:19

Nyithindu gi nyikwau dobedo mang’eny ka kuoyo mokadho akwana, kendo nyingu ok dong’ad oko, kata ok doruchi e wang’a.”

Jeremia 15:8

Ne anego chwo mang’eny, mi ubedo gi mond liete mathoth ka kuoyo mae dhonam ne anego yawuotu godiechieng’, mi akelo ne minegi kuyo.

Hosea 10:5

Kihondko nomak joma odak Samaria, kendo giniywag nyaroya molos gi dhahabu man Bethel. Gin kaachiel gi jodolo matiyo ni nyasaye manonono noywag koneno ka itero girgi ma gigeno kuome Asuria

Hosea 4:15

“Kata obedo ni un jo-Israel useweya, to da obedo maber ka jo-Juda ok otimo gima chal kamano. Kik udhi ulem Gilgal kata Bethel, kendo kik ukuong’ru kuondego e nying Ruoth Nyasaye mangima.

Hosea 5:8

Gouru tung’ mar lweny e dala Gibea. Rama bende timieuru kamano. Giuru sigich lweny e dala mar Bethel, kuwacho niya, “Wan bang’u, jo-Benjamin!”

Jo-Rumi 9:27

Isaya bende nowuoyo kuom jo-Israel kama: “Kata ka jo-Israel ng’eny mana ka kuoyo manie dhonam, to ji manok kuomgi kende ema nokwo,

Joshua 11:4

Giduto ne giwuok gi jolwenjgi duto. Ne ging’eny ka kuoyo mae dhonam, kendo ne gin gi geche lweny mogundho.

Joshua 18:12

To malo yo nyandwat tong’gi nochakore e aora Jordan modhi nyaka gode man yo nyandwat mar Jeriko. Noluwo piny godego, kochomo yo podho chieng’ nyaka e thim machiegni gi Beth-aven.

Joshua 7:2

Kane gin Jeriko, Joshua noseoro jomoko mondo odhi Ai, dala man machiegni gi Bethaven, yo wuokchieng’ mar Bethel, mondo girang kaka piny chalo. Mi jogo notimo kamano.

Jong’ad Bura 7:12

Jo-Midian gi jo-Amalek kod jo yo wuokchieng’ duto mane nindo e holo ne ng’eny ka bonyo, kendo ngamia mane gin go nokadho akwana mana ka kuoyo manie dho nam.

1 Samuel 13:11

Samuel nopenje niya, “En ang’o misetimoni?” Saulo nodwoke niya, “Naneno ka ji ke a kuoma, to bende in ne ok ibiro kaka ne ichiko, kendo jo-Filistia chokore Mikmash.

1 Samuel 13:2

Saulo noyiero ji alufu adek kuom jo-Israel, mondo ji alufu ariyo kuomgi obed kode Mikmash, kendo e piny gode mag Bethel, to alufu achiel obed gi Jonathan wuode, Gibea, dala jo-Benjamin. Ji moko duto to noweyo, modok miechgi.

1 Samuel 14:23

Kamano Ruoth Nyasaye noreso jo-Israel chieng’no, kendo ne gikadho dala mar Bethaven, mana kapod gikedo.

1 Samuel 14:52

Ne nitie lweny mager e kind jo-Israel gi jo-Filistia kuom ndalo duto mag ngima Saulo. Omiyo kane oneno ng’at moro maratego, kata mathwon, to nokete achiel kuom jolwenje.

1 Samuel 17:1

Chieng’ moro jo-Filistia nochoko jolwenjgi kanyakla e dala moro mar Juda, miluongo ni Soko. Ne gijot Efes-damin, e kind soko gi Azeka.

1 Samuel 7:13

Kamano nolo jo-Filistia, mi ne ok gichako gidonjo e piny Israel. Ruoth Nyasaye nosandogi malit e ndalo duto mag Samuel.