1 Samuel 12:3 - MUMA MALER 2015

³ Era e. Koro donjnauru e nyim Ruoth Nyasaye, kendo e nyim ruoth moseyiero mowir. Rwadh ng’a, kata kanj ng’a masekawo? Ere ng’a ma asemayo gire? Koso ere ng’ama asethiro? Kata en ng’a ma asekawo asoya kuome, madinogo wang’a? Ng’eng’auru, mondo adwoknugo.”

Motingʼo Loko Manyien

³ Eri achungʼ ka. Hulieuru e nyim Jehova Nyasaye kod ngʼate mowir ketho ma asetimo. Rwadh ngʼa masekawo? Punda ngʼa masekawo? Ngʼatno ma asethiro? Asekawo asoya koa kuom ngʼa mondo odin wangʼa? Ka dipo ni asetimo achiel kuom gigi, to aikora mar loso.”

1 Samuel 12:3 ပူးပေါင်းရင်းမြစ်များ

2 Samuel 22:22

nikech naluwo yorene kendo ok asepogora kod Nyasacha, kadonjo e richo.

Nehemia 5:11

Dwoknigiuru utgi, kod puothegi mag cham gi mag mzabibu kod mag zeituni, kaachiel gi ohala museyudo kuom pesa gi cham gi mag mzabibu kod mag zeituni, kaachiel gi ohala museyudo kuom pesa gi cham gi divai manyien kod mo musehologi.”

Zaburi 15:5

Oholo gik moko, to ok okawie ohala, kendo ok ocham asoya mondo oketh buche joma onge ketho. Ng’at ma timo gigo duto ok nopodhi.

Wuok 20:17

“Kik igomb od ng’ato, kata chi ng’ato, kata misumba ng’ato, kata dher ng’ato, kata kanj ng’ato, kata gimoro amora ma ng’ato nigo.”

Wuok 23:8

Kik ucham asoya nikech asoya mono kata ng’at maber wacho adiera, kendo owito buch ng’at ma onge gi ketho.

Ngeche 15:27

Ng’at ma gombo bedo gi mwandu e yor miganga keto joode e chandruok, to ng’at modagi chamo asoya nodag aming’a.

Tim jo-Lawi 6:4

odoko jaketho. Omiyo nyaka ochul gima osekwalo kata mosechamo malang’, kata ma nomiye mondo okan, kata mane olal to okwanyo,

Tim jo-Lawi 6:5

kata gimoro amora mane okuong’oree gi miriambo, to enochul gino pep, chieng’ mochiwoe misango mipwodhogo ketho mar gowi, komedoe achiel kuom abich mar nengo gino.

Kwan 16:15

Kane Musa owinjo wechegigo, mirima mager nomake, mi owacho ni Ruoth Nyasaye niya, “Kik idew ng’ur ma ging’urgono. Pok amayogi kata mana kanyna achiel, bende pok atimo marach ni ng’ato ang’ata kuomgi.”

Mathayo 22:21

Ne gidwoke ni, “Gin mag Kaisar.” Eka Yesu nowachonigi niya, “Emomiyo, chiwuru ni Kaisar gi Kaisar, to gi Nyasaye chiwuru ni Nyasaye.”

Luka 19:8

Zakayo nochung’, mowacho ni Ruoth Yesu niya, “Ruoth, abiro pogo nus giga ni jochan, kendo kapo ni asemayo ng’ato gire e yo ma ok kare, to abiro chulo nyading’wen.”

Tich Joote 20:33

Ne ok agombo fedha kata dhahabu kata law ng’ato.

2 Jo-Korintho 12:14

Koro aikora mondo abi iru e limbena mar adek, to pod ok nadwar mondo ukonya, nikech ok mwanduu ema adwaro, to adwaro mana un uwegi. Nyithindo ok onego ken ni jonywolgi, to jonywol ema keno ni nyithindgi.

Rapar mar Chik 16:19

Kik ung’ad buch amwor kata buch nyakonchiel, to bende kik ucham asoya, nimar asoya mono kata mana ng’at mariek wacho adiera, kendo wito buch ng’at ma onge ketho.

1 Jo-Thesalonika 2:10

Un ema ung’eyo, mana kaka Nyasaye bende ong’eyo ni kane wan kodu, to timbewa ne ler kendo kare, maonge ketho moro e nyimu un joma oyie.

1 Jo-Thesalonika 2:5

Ung’eyo maber ni ne ok wakonyre ngang’ gi weche miwuondogo wang’ ji, kendo Nyasaye ong’eyo ni ne waonge gi gombo moro mwapando e chunywa.

1 Petro 5:2

Beduru jokwadh kueth ma Nyasaye osemiyou, kendo ritgiuru gi chuny mamor kaka Nyasaye dwaro, to ok kuom achune. Kik utim kamano mondo uyudie ohala, to timeuru mana nikech uhero.

1 Samuel 10:1

Samuel nokawo tung’ mar mo, moolo ewi Saulo. Nonyodhe, mowachone niya, “Ruoth Nyasaye osewiri gi mo mondo ibed ruodh joge Israel. Initel ni jo-Ruoth Nyasaye, kendo iniresgi e lwet wasikgi molworogi. To gima biro bedoni ranyisi ni Ruoth Nyasaye oseyieri mondo ibed ruodh joge ema:

1 Samuel 12:4

To ne gidwoke ni, “Pok imayowa gimoro, kata thirowa pok ithirowa, bende pok ikawo gimoro kuom ng’ato.”

1 Samuel 12:5

Samuel nowachonigi niya, “Tinende Ruoth Nyasaye obedo janeno kuomu, kendo ruoth moseyiero bende obedo janeno, ni pok amulo gimoro.” Mi ne gidwoke ni, “Ee, obedo janeno.”

1 Samuel 2:35

Mi anaket jadolona awuon, ng’at ma jaadiera, ma notim duto manie chunya gi parona. Anagur dhoode mondo nyikwaye oti nyaka chieng’ ni Ruoth mayiero mowir.

1 Samuel 24:11

Bende wuora, ng’i ine riak lawi manie lweta. Nang’ade to ne ok anegi. Mano nyalo nyisi ni aonge gi paro mar timoni marach kamano. Kata obedo ni ilawa mondo inega, an to pok akethoni.

1 Samuel 24:6

To Daudi nowacho ni joge niya, “Ruoth Nyasaye mondo ogeng’a kik ahiny ruodha, kata mana lith lweta kik ater kuome, nikech en ng’at mowir ma Ruoth Nyasaye oyiero.”

1 Samuel 24:7

Kamano Daudi nogeng’o joge, mi ok oyienigi mondo gineg Saulo. To nochung’ mong’ado riak law Saulo ling’ling’.

1 Samuel 26:11

Kuero ngang’! Kik ater lweta kuom ruoth mowir ma Ruoth Nyasaye oyiero. To wakaw mana tong’ ma yo ka wiyeno, kod puga mar pino mondo wadhigo.”

1 Samuel 26:9

To Daudi nodwoke niya, “Kik inege, nimar onge ng’ama nyalo tero lwete kuom ruoth mowir ma Ruoth Nyasaye oyiero, mak doyud bura.”