1 Samuel 12:24 - MUMA MALER 2015

²⁴ Mak mana ni, luoruru Ruoth Nyasaye, kutiyone gi adiera kod chunyu duto, kendo paruru gik madongo mosetimonu.

Motingʼo Loko Manyien

²⁴ Un to nyaka une ni uluoru Jehova Nyasaye, kendo utine gi adieri gi chunyu duto; parieuru gigo madongo mosetimonu.

1 Samuel 12:24 ပူးပေါင်းရင်းမြစ်များ

2 Ruodhi 17:39

to lamuru mana an Ruoth Nyasaye, mi anaresu e lwet wasiku duto.”

Ayub 28:28

Bang’e nowacho ni dhano niya, ‘Ka idwaro bedo gi rieko, to nyaka iluor Ruoth Nyasaye, kendo ka idwaro bedo gi ng’eyo, to nyaka iwe richo.’

Zaburi 111:10

Luoro Nyasaye e chakruok mar rieko, kendo joma timo kamano yudo rieko mang’eny. Nyaka pake mochwere!

Zaburi 119:80

Konya amak chikeni gi chunya duto mondo kik ayud wichkuot.

Wuok 12:13

Remb nyirombego nobed kido ma nyiso udi mudakie, kendo kaneno remono to anakadhu, mi masich tho magoyogo piny Misri ok nomaku.

Ngeche 1:7

Luoro Ruoth Nyasaye e chakruok mar rieko. Joma ofuwo to chayo rieko, kendo ok dwar puonjore.

Eklesiastes 12:13

Bang’ mago duto, gimoro achiel kende ema odong’ ma onego anyisi. En ni, luor Nyasaye, kendo rit chikene, nimar mano ema ne omiyo ochue dhano.

Isaya 5:12

Utimo sewni gi kong’o mogundho kod thumbe mopogore opogore to ok udew gik ma Ruoth Nyasaye osetimo, bende ok unegi.

Johana 1:47

Kane Yesu oneno Nathaniel kabiro ire, nowacho ni, “Neuru! Ja-Israel hie e cha biro. En ng’ama kare, ma onge miganga.”

Jo-Rumi 12:1

Emomiyo owetena, asayou kuom ng’wono mar Nyasaye mondo uchiw ringreu obed misango mangima kendo maler ma Nyasaye nyalo yiego, nikech mano e yo maradier mar lemo monego uluw.

Rapar mar Chik 10:21

En ema nyaka upake, nimar en Nyasachu mosetimonu timbe madongo kendo malich, ma useneno gi wang’u.

Rapar mar Chik 29:1

Mago e weche mag singruok mane Ruoth Nyasaye ochiko Musa mondo omi jo-Israel otim, kane gin e piny jo-Moab. Singruokno ne omedi kuom singruok mane otimo kodgi Horeb.

Rapar mar Chik 29:2

Musa noluongo jo-Israel duto, mowachonigi niya, “Ne uneno gi wang’u gik moko duto mane Ruoth Nyasaye otimo e piny Misri ni Farao gi jodonge kod pinye duto.

Jo-Hibrania 12:29

nikech Nyasachwa en mach ma tieko gik mowang’o duto.

Joshua 24:14

“Kuom mano, lamuru Ruoth Nyasaye, kendo tineuru gi chuny modimbore. Wituru nyiseche mane kwereu lamo kane gidak loka aora Yufrate, kendo e piny Misri, to lamuru mana Ruoth Nyasaye.